Kujdes me bilancet, Ministri Ahmetaj dhe Guvernatori paralajmërojnë sipërmarrjet
Përditësuar së fundmi: 07/12/2017

Kujdes me bilancet, Ministri Ahmetaj dhe Guvernatori paralajmërojnë sipërmarrjet

Share
nga Anerola Torollari
Dhj 07, 2017
Studied at Faculty of Science, Content Editor Biznesi at Business Magazine
lexo me teper >

Në një konferencë të përbashkët për shtyp, ministri i Financave dhe Ekonomisë, Arben Ahmetaj dhe Guvernatori i Bankës së Shqipërisë, Gent Sejko kanë njoftuar për aksionin kundër informalitetit tek bizneset e mëdha. Ahmetaj tha se disa nga këto biznese punojnë me dy bilance duke ndikuar në zhvillimin e kredive me probleme.

Ne angazhohemi të marrin vetëm një bilanc zyrtar që është pasqyruar në faturat tatimore. Janë dy aspekte për këtë nismë. Së pari, ulja e kredive me probleme në ekonomi. Kjo problematikë u trajtua gjerësisht në mandatin e parë. Grupi i punës hartoi një strategji me qëllim reduktimin e kredive me probleme, ku një ndër masat ishte dhënia e kredive vetëm në bazë të deklaratave tatimore. Ky plan masash është konsultuar edhe me bankat e nivelit të dytë. Duhet të vendoset një normë e re në marrëdhënien mes bankave dhe kompanive.”- tha ministri Ahmetaj.

Siç kishte paralajmëruar më parë, Banka e Shqipërisë pritet të pengojë bankat tregtare për të financuar këto lloj sipërmarrjesh. Guvernatori Sejko, tha se nuk do të mund të marrin kredi biznese që punojnë me dy standarde.

Ministri u shpreh i bindur për deklarimin jo real të pagave. Gvernatori Sejko nga ana e tij, tha se “Mungesa e financave ka kontribuar në kreditë me probleme. Përtej ndikimit negativ që ka dhënë në shtimin e kreditimit të keq, sipërmarrësit janë përballur me sfida të paparashikuar prej tyre. Kredidhënia të mbështet vetëm në deklaratat tatimore.