Lajm i mirë për diabetikët. Është zhvilluar në laboratorët izraelitë një proteinë e ëmbël që mund të përdoret në vend të sheqerit. Substanca nuk rrit nivelet e sheqerit në gjak.
Përbërja, e projektuar dhe zhvilluar nga biznesi startup “Amai Proteins”, përmban pak kalori, tretet si një proteinë dhe nuk aktivizon përgjigjen e insulinës.
Proteina është projektuar përmes një platforme informatike të quajtur Agile Integrative Computational Protein Design (AI-CPD), një fushë në të cilën është i specializuar themeluesi Ilan Samish dhe është i bazuar në taumatinën, një proteinë e gjetur në bimën katemfe.
Taumatina është ridizenjuar dhe prodhuar përmes përdorimit të bioteknologjisë, duke përdorur softëare të bazuar në cloud-computing. Produkti nuk konsiderohet i modifikuar gjenetikisht (OMGJ), është i qëndrueshëm, ekonomik, i pajtueshëm me ushqimin, i shijshëm dhe inovativ.
Proteinat e ëmbla të prodhuara nga Amai Proteins, një kompani bioteknologjike me seli në Rehovot në Izrael, lidhen me receptorin tonë të ëmbël ashtu si sheqeri, duke shkaktuar kështu ndjesinë e shijes së ëmbël dhe treten nga trakti i sipërm gastrointestinal ashtu si proteinat që konsumohen në sasi të mëdha çdo ditë.
Lexoni: Krijohet roboti që zbulon kancerin e mushkërive
Proteina Amai ju lejon të zëvendësoni një lugë çaji sheqeri (katër gramë) me dy miligramë të kësaj substance dhe shija e ëmbël është e njëjtë.
Marrë nga Izraelisot.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
