Kosova pritet të përfitojë një grant qindra miliona dollarë nga SHBA-të

Kosova pritet të përfitojë një grant qindra miliona dollarë nga SHBA-të


“Korporata e Sfidave të Mijëvjeçarit MCC”, një agjenci e themeluar kjo nga Qeveria Amerikane, për herë të parë pas një periudhe 5 vjeçare i ka hapur rrugë edhe Kosovës që të përfitojë qindra miliona dollarë në formë të granteve.

Kjo agjenci çdo vit ndan grante për shtete të ndryshme në botë, për të mbështetur zhvillimin ekonomik, transmeton KosovaPress.

Së fundi, Liberia ka përfituar një grant jo më pak se 257 milionë dollarë, për përmirësimin e infrastrukturës energjetike dhe rrugore.

Edhe Shqipëria nga e njëjta agjenci ka përfituar mbi 15 milionë dollarë për të mbështetur luftën kundër korrupsionit dhe për të siguruar lirinë ekonomike.

Tash e tutje, përfitimi i këtyre granteve do të jetë i mundur edhe për Kosovën, pasi vendi  ka kaluar vëzhgimin në MCC, që është një përmbledhje e 20 indikatorëve të pavarur të hartuar nga një palë e tretë, të cilët masin performancën e politikave të vendit në fushat e lirisë ekonomike, investimit në burimet njerëzore dhe qeverisjen e drejtë.

Bazuar në publikimin e vëzhgimit, të cilin Kosova e ka pranuar nga ana e MCC, të cilën e posedon KosovaPress, këtë vit Kosova në vlerësimin e përgjithshëm ka shënuar përmirësim në disa nga indikatorët të cilët janë vrojtuar dhe kualifikohet për mbështetje nga ana e kësaj agjencie.

Në dhjetor, Bordi i Drejtorëve të MCC pritet të selektojë përfituesit e asistencës përmes granteve bazuar në performancën e notimit, informatave relevante plotësuese, përpjekjeve të përgjithshme për uljen e varfërisë, gjenerimit të rritjes ekonomike dhe fondeve ne dispozicion.

Në mënyrë që Kosova të ketë përfitime në shumë fusha, sipas burimeve ndërkombëtare të KosovaPressit është angazhuar edhe Kongresi Amerikan.

/Telegrafi/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0