Konfindustria vlerëson, se ndërhyrja e Bankës së Shqipërisë në tregun valutor, për të përballuar zhvleftësimin e fortë të Euro-s kundrejt Lek-ut do të ishte pa asnjë ndikim dhe do të përfundonte në humbje të rënda dhe të panevojshme financiare.
Ndihma e domosdoshme afatshkurtër për kategoritë e prekura të bizneseve, sipas saj, duhet të kryhet nëpërmjet një paketë të jashtëzakonshme financiare të qeverisë.
Në një njoftim për mediat, Konfindustria vlerëson se, “përfundimi i mësipërm vjen duke patur parasysh mënyrën e sotme të ndërtimit dhe funksionimit të sistemit ekonomik dhe financiar kombëtar, si dhe varësinë e fortë të tij në natyrën në masë të madhe informale të flukseve valutore të huaja”.
Lexo: 3 arsye pse duhet të ndaloni përpara se të përgjigjeni
Në harkun e një viti financiar 2022-2023, monedha Euro është zhvlerësuar në mbi 9% kundrejt Lek-ut, duke prekur rëndë industritë dhe prodhimin vendor dhe sidomos eksportet shqiptare.
“Vetëm industria e manifakturës përllogaritet të ketë humbje mbi 200 milionë euro nga mbiçmimi i panatyrshëm i Lek-ut. Grupet e bizneseve importuese janë përfituesit kryesorë të dobësimit të tejskashëm të sforcuar të Euro-s kundrejt Lek-ut”, vlerëson Konfindustria.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English