Nisur nga shqetësimet e vazhdueshme të industrive vendore, konfindustria i kërkon qeverisë të ndërhyjë dhe të ulë çmimet e karburanteve dhe energjisë elektrike për biznesin e qytetarët shqiptarë në nivele të paktën të krahasueshme me vendet e Rajonit.
“Cilësia e dobët dhe çmimet e larta të karburanteve dhe energjisë elektrike janë pengesë kryesore për zhvillimin ekonomik, biznesin dhe mirëqënien e qytetarëve shqiptarë. Mjaft shqetësuese është prania e zgjeruar e kompanive “guackë” të regjistruar në parajsa fiskale të pranishëm sidomos në sektorin strategjik të karburanteve”, theksohet në një njoftim për media të Konfindustrisë.
Tregjet e karburanteve dhe energjisë elektrike kanë një qarkullim vjetor të përbashkët prej mbi 1.7 miliardë dollarë dhe janë më kryesorët, duke kapur afër 15% të PBB/Prodhimit të Brendshëm Bruto të ekonomisë. Treguesi më i qartë i gjendjes së papranueshme të ndërtimit të tregut të karburanteve në Shqipëri është mungesa e plotë e pranisë së markave ndërkombëtare, sipas Konfindustrisë.
Kërkesa e Konfindustrisë vjen për faktin se Shqipëria sipas saj, radhitet në 25 vendet e para në botë dhe nga më të lartët në Europë për çmimin dhe njëkohësisht ndër vendet me cilësi tepër të ulët të karburanteve në qarkullim. Ndërkohë, çmimi i energjisë elektrike për biznesin në Shqipëri është më i larti në Rajon.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
