Konferenca ndërkombëtare në Berlin “Konektiviteti për Tregtinë dhe Investimet”


Në kuadër të presidencës gjermane të OSBE-së, nën kujdesin e ministrit të Jashtëm Frank-Walter Steinmeier, u zhvillua sot në Berlin konferenca ndërkombëtare me temë “Konektiviteti për Tregtinë dhe Investimet”.

E pranishme në këtë takim, bashkë me homologë të vendeve të rajonit, ministrja shqiptare e Ekonomisë, Milva Ekonomi deklaroi se, angazhimet e ndërmarra nga qeveritë për një bashkëpunim më të konsoliduar është koha të kthehen në realitet.

“Liderët e vendeve tona janë dakordësuar për zhvillimin e mëtejshëm të infrastrukturës së rajonit dhe për më shumë bashkëpunim ekonomik. Është koha për t’i kthyer këto premtime në iniciativa konkrete për të mirën e qytetarëve tanë, për më shumë mundësi e njëkohësisht shkëmbime tregtare, të cilat si pasojë do të sjellin shtimin e bizneseve dhe investimeve”, deklaroi Ekonomi.

Ministrja shprehu vendosmërinë e palës shqiptare për zbatimin e plotë të të gjitha masave të vendosura në Samitin e Vjenës, ku përfshihen projekte në energji dhe infrastrukturë, me qëllim finalizimin e tyre deri në 2016-n.

“Shprehim mirënjohje për ndihmën e dhënë Shqipërisë në Samitin e Vjenës për Rrjetin e Interkonjeksionit me Maqedoninë”, theksoi Ekonomi, e cila më tej e vuri theksin tek ajo se si duhet të jetë e ardhmja e rajonit.

“Ne e shohim të ardhmen e bashkëpunimit të ri rajonal duke investuar gradualisht për qasjen ndaj të pasurit nga një zonë e lirë tregtare në atë të një rajoni të lirë”, tha Ekonomi.

 

/Top-Channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale