Sipas një njoftimi të përbashkët për shtyp, Yahoo do të integrohet me AOL, të cilën Verizon e ka blerë për $ 4.4 miliard. Kjo blerje do t’i japë ndërveprim Verizon me më shumë se 1 miliard njerëz.
Në bazë të marrëveshjes , Verizon do të marrë përsipër mjetet e teknologjisë për reklamat , patentat dhe pasuri të tjera të Yahoo, të cilat shpreson se do të mundësojnë krijimin e një kompanie të madhe për të konkurruar Google.
“Blerja e Yahoo do të vërë Verizon në një pozicion shumë konkurrues si një kompani e rëndësishme globale dhe do të ndihmojë në rritjen e të ardhurave nga reklamat dixhitale”, tha Lowell McAdam, Kryetar dhe CEO i Verizon.
Tim Armstrong, CEO i AOL, vlerësoi kompaninë për atë që ka arritur dhe tha se transaksioni do të “nxjerrë në pah potencialin e plotë të Yahoo”.
Verizon blen Yahoo – Çfarë do të thotë kjo?
“Kombinimi Verizon, AOL dhe Yahoo do të krijojë një rival të ri të fuqishëm konkurrues në botën e internetit dhe do të ofrojë alternativa të reja për reklamuesit dhe botuesit,” tha ai.
Marrëveshja përfshin bizneset kryesore operative të Yahoo dhe përjashton nga zotërimi marrjen e aksioneve që Yahoo ka tek Alibaba dhe Yahoo Japan, por grupi i kombinuar do të vazhdojë të kontrollojë më shumë se 25 marka.
Këto marka përfshijnë aplikacione të shumta si Gemini, Flickr dhe Tumblr.
Një tjetër aset i rëndësishëm që Verizon do të fitojë është Yahoo Mail, një nga shërbimet e-mail më të njohura në botë me rreth 225 milion përdorues aktiv mujorë.
Marissa Mayer, CEO e Yahoo, e ardhmja e të cilës në kompani është e pasigurt, ka thënë se Yahoo është një kompani që ka “ndryshuar botën” dhe do të vazhdojë ta bëjë këtë me anë të kombinimit të saj me Verizon dhe AOL.
“Ky transaksion gjithashtu krijon një mundësi të madhe për Yahoo të përshpejtojë punën tonë në celular, video, reklama dhe rrjete sociale,” shtoi ajo.
Verizon blen Yahoo – Çfarë është kompania Verizon?
Verizon Communications Inc, me seli në New York City , operon si rrjeti më i besueshëm ‘wireless’ i Amerikës. Kompania gjithashtu ofron shërbime të komunikimit dhe argëtimit nëpërmjet rrjetit më të përparuar në Amerikë me fibra optike, dhe ofron zgjidhje të integruar biznesi për klientë në mbarë botën .
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
