Këta kinezë fatmirësisht ishin ‘white-hat hackers’, që do të thotë se hakojnë për të zbuluar rreziqe, dhe jo për t’i bërë dëm personave apo kompanive (ka dhe black-hat, që janë hakerat e rrezikshëm, që duan t’u bëjnë dëm njerëzve apo kompanive).
TechSot.Al raporton se hakerat nga Keen Security Lab, që është një grup hulumtimi, mundën të marrin kontrollin e një makine Tesla Model S nga pothuajse 20 kilometra larg, kur ajo ishte e parkuar, dhe kur ajo ishte në ecje.
Disa nga hakimet që ky grup arriti ishin jo shumë të rrezikshme, si p.sh. kontrollimi i sendiljes, apo aktivizimi i fshirësve të xhamave. Por këta hakera gjithashtu arritën hapin derën e makinës pa një çelës, dhe ajo që është më e rrezikshmja, ishte aktivizimi i frenave.
Edhe pse këto hakime u bënë të kontrolluara, pra pa qëllimin e keq, ky eksperiment nxjer në pah shumë probleme të Tesla-s.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
