Kina mund të kufizojë lidhjet bankare me platformat fintech - Business Magazine Albania

Kina mund të kufizojë lidhjet bankare me platformat fintech

Ish-ministri i financave i Kinës, Lou Jiwei sugjeroi që Kina mund të kufizojë numrin e bankave me të cilat një platformë e vetme FinTech mund të ketë partneritet, për të parandaluar që çdo platformë të fitojë shumicën e tregut, njoftoi media shtetërore të Dielën.

Rregullatorët e Kinës muajin e kaluar paralajmëruan gjigandët e teknologjisë së vendit se ata do përballen me kontrolle më të rrepta. Një publikim i planifikuar më përpara i aksioneve në vlerën prej 37 miliardë dollarësh e Alibaba’s Ant Group, e planifikuar të ishte më e madhja në botë, u pezullua papritur.

Duke folur në një forum të menaxhimit të pasurisë të Shtunën, Lou, i cili është drejtor i punëve të jashtme në një organ të lartë këshillues për qeverinë kineze, paralajmëroi se një platformë fintech me një pjesë të tregut të përmasave të mëdha mund të çojë në borxhe të këqija, tha Securities Times.

“Ne mund të kufizojmë numrin e bankave me të cilat çdo platformë e vetme mund të punojë, në mënyrë që të lejojmë më shumë platforma të bëjnë biznes të ngjashëm në të njëjtat kushte”, tha ai, duke shtuar se platformat fintech nuk duhet të lejohen të rriten deri në  pikën “fituesi” merr të gjitha ”dhe“ shumë të mëdha për të dështuar (to big to fail)”.

LEXO: Kina po modifikon kushtet e motit, a duhet të shqetësohemi?

Kina është zotuar të forcojë mbikëqyrjen e firmave të saj të mëdha të teknologjisë, të cilat përfshijnë Alibaba Group Holding dhe Tencent Holdings që renditen ndër më të mëdhatë dhe më të fitimprurëset në botë. Shumë prej këtyre ndërmarrjeve kanë mbledhur sasi të mëdha të të dhënave të përdoruesve gjatë ofrimit të shërbimeve të tyre.

Një rregullator i letrave me vlerë tha se Pekini duhet të konsiderojë vendosjen e një takse dixhitale mbi kompanitë e teknologjisë që mbajnë sasi të mëdha të të dhënave të përdoruesve, thanë media shtetërore javën e kaluar.

Rregullatorët gjobitën firmat e teknologjisë si Alibaba për mos raportimin e marrëveshjeve të kaluara siç duhet për rishikimet e antitrustit. Kjo është hera e parë që ndonjë kompani në internet gjobitet për shkelje të një ligji antimonopol të vitit 2008.

REUTERS

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0