Këto janë punët më të mira për çdo lloj personaliteti, sipas një raporti të ri

Po kërkoni një rol, apo karrierë të re që përputhet me personalitetin tuaj?

Një raport i fundit nga Resume Genius analizon llojet e zakonshme të personalitetit dhe i vendos ato në opsionet e punës duke përdorur të dhënat e pagave nga Byroja e Statistikave të Punës në SHBA.

Resume Genius përdori testin e personalitetit Myers-Briggs Type Indicator (MBTI), i cili i ndan njerëzit në 16 lloje të ndryshme bazuar në një kombinim të tetë tipareve: introversioni (I) dhe ekstroversioni (E), ndjeshmëria (S) dhe intuita (N), të menduarit (T) dhe ndjenja (F), dhe gjykimi (J) dhe perceptimi (P). Një tip personaliteti INTJ, për shembull, do të identifikohej më shumë me introversionin,sesa me ekstroversionin, dhe do të lidhej më shumë me intuitën, të menduarit dhe gjykimin.

Edhe pse testi Myers-Briggs është kritikuar për të qenë i paqartë, i përgjithshëm dhe pseudoshkencë, 88 nga 100 kompanitë e listës Fortune e kanë përdorur ende atë për zhvillimin e stafit. Marriott, Ernst & Young dhe Forcat Ajrore të SHBA-së e kanë përdorur gjithashtu, sipas Myers-Briggs.

“Duke përdorur personalitetin tuaj Myers-Briggs, si një faktor në eksplorimin dhe vendimet e karrierës suaj, ju keni shumë më shumë gjasa të gjeni punë që përputhet me mënyrat tuaja natyrore të nxjerrjes së energjisë, të vërejturit e botës përreth jush, marrjen e vendimeve dhe angazhimin me botën rreth jush”, tha në raport Helen Roy, Konsulenti i Lartë i Çertifikuar i MBTI Professional dhe HR Total Rewards në SAP.

Megjithëse raporti pretendon të gjejë punën më të paguar sipas llojit të personalitetit, pagat variojnë në mënyrë të konsiderueshme, nga 239,200 dollarë në 52,910 dollarë. Zgjedhja e sugjeruar nga studimi mund të mos përfaqësojë rolin më të lartë të mundshëm për një lloj të caktuar personaliteti, por mund të shërbejë si një bazë solide për të nisur karrierën.

Lexo edhe: 3 pajisje të fuqishme të cilat ju vijnë në ndihmë në çdo moment të ditës

“Pavarësisht nëse jeni introvert apo ekstrovert, gjëja kryesore është të gjeni pozicione që përputhen me pikat tuaja të forta dhe ju lejojnë të kontribuoni në mënyrë domethënëse”,  tha në raport drejtori ekzekutiv i Resume Genius, Ed Huang, duke shtuar se “punë me fitime më të larta ekzistojnë për çdo lloj personaliteti.”

Këtu janë punët me pagën mesatare më të lartë për çdo lloj personaliteti.

1. ISTJ — Doktor

Paga mesatare vjetore: 239,200 dollarë

Numri i vendeve të punës (2022): 816,900

2. ESTJ — Avokat

Paga mesatare vjetore: 145,760 dollarë

Numri i vendeve të punës (2022): 826,300

3. INTP — Analist i sigurisë së informacionit

Paga mesatare vjetore: 120,360 dollarë

Numri i vendeve të punës (2022): 168,900

4. ENTJ — CEO

Paga mesatare vjetore: 103,840 dollarë

Numri i vendeve të punës (2022): 3,787,800

5. ENFJ — Sociolog

Paga mesatare vjetore: 101,770 dollarë

Numri i vendeve të punës (2022): 3,300

6. INTJ — Arkitekt

Paga mesatare vjetore: 93,310 dollarë

Numri i vendeve të punës (2022): 123,700

7. INFJ – Psikolog

Paga mesatare vjetore: 92,740 dollarë

Numri i vendeve të punës (2022): 196,000

8. ISFJ — Infermiere

Paga mesatare vjetore: 86,070 dollarë

Numri i vendeve të punës (2022): 3,172,500

9. ENTP — Projektues industrial

Paga mesatare vjetore: 76,250 dollarë

Numri i vendeve të punës (2022): 32,400

10. ISTP — Detektiv

Paga mesatare vjetore: 74,910 dollarë

Numri i vendeve të punës (2022): 808,700

11. INFP — Autor

Paga mesatare vjetore: 73,690 dollarë

Numri i vendeve të punës (2022): 151,200

12. ESFJ — Mësues i shkollës së mesme

Paga mesatare vjetore: 65,220 dollarë

Numri i vendeve të punës (2022): 1,072,300

13. ESTP – Zjarrfikës

Paga mesatare vjetore: 57,120 dollarë

Numri i vendeve të punës (2022): 334,200

14. ISFP — Artist

Paga mesatare vjetore: 52,910 dollarë

Numri i vendeve të punës (2022): 54,600

entrepreneur.com