“Pa pare!, Pa pare!”, me këtë togfjalësh simpatik niste videoja virale e përgatitur nga akademia betaPlan Coding bootcamps dhe Bar Rehati së bashku me gazetaren me eksperiencë Alma Çupi.
Që nga ajo ditë, rreth 200 persona provuan kurset pa pagesë, të përgatitura nga ekipi betaPlan në teknologjitë më të kërkuara në front end. Aktualisht rreth 60 prej tyre vazhdojnë me sukses dhe çdo javë shtohen pjesmarrës të rinj. Kursi integron nga forma dhe përmbajtja karakteristikat e një intershipi dhe ato të një kursi tradicional. Fjalët kyç janë disiplina dhe ritmi.
Kursantët nuk paguajnë, por në këmbim duhet të ndjekin rregullisht kursin dhe përmbushin sfidat javore, ka 12 të tilla deri në përfundim të kursit. Çdo javë organizohet një takim, zakonisht ditëve të premte pas dreke. Takimi nis me korigjimin e detyrave të lëna nga ekipi betaPlan javën e mëparshme. Ata që i kanë plotësuar me sukses kalojnë në sfidën javore pasardhëse, ndërsa ata që nuk i kanë plotësuar mbeten në të njëjtën fazë, por kujdes, nëse nuk përmbush me sukses sfidën edhe herën e dytë, atëherë skualifikohesh.
Ekipi i betaPlan ka krijuar këto kurse pa pagesë për t’u dhënë mundësinë shumë personave që të provojnë eksperiencën e bootcampeve, apo kurseve të programimit pa marrë rreziqe financiare. Shumë prej kandidatëve janë të pavendosur, apo nuk e kanë të qartë se sa është angazhimi real, ose thjesht kanë zgjedhur programimin, sepse kanë motivim kryesor pritshmërinë e pagave të larta dhe punës së sigurtë. Shumë të tjerë e kanë me të vërtetë me pasion, por hezitojnë sepse nuk kanë informacion. Ky kurs është krijuar pikërisht për të shuar dyshimet.
Qendra betaPlan Coding Bootcamps ka ofruar dhe vazhdon të ofrojë një javë përgatitore kursi pa pagesë mbi algoritmat, e cila është një parapërgatitje e ofruar nga partneri Coding Dojo për kurset profesionale 4-mujore në programim. Me ofertën e re pa pagesë qendra ka kaluar në një nivel tjetër, duke krijuar kushtet e një internshipi në një ambjent stimulues në zemër të Tiranës, pranë sheshit Wilson, me hapësira të bollshme dhe të sigurta. Gjithashtu kursi mund të ndiqet online. Kjo ofertë do të jetë aktive përgjtë muajit Qershor dhe Korrik.
Qendra betaPlan Coding Bootcamps ofron prej kohësh shërbime të panumërta për kursantët e saj, siç janë referimet në kompanitë e programimit në Shqipëri, ashtu si dhe referime në kompani të huaja, kryesisht në ShBA. Gjithashtu, qendra mbështet kursantët për një periudhë 6-mujore pas përfundimit të kursit, me këshillim karriere dhe përgatitje për intervistë. Qendra organizon leksione të hapura ose seri leksionesh me profesionistë shqiptarë dhe të huaj mbi tema të ndryshme, duke filluar nga Cybersecurity, Data e deri tek programimi mobile, si dhe konkurse të ndryshme të formatit Hackathon, ku kursantët kanë mundësinë të prezantojnë projektet e tyre përpara drejtuesve të kompanive TIK, apo dhe
Përtej kurseve, qendra betaPlan Coding Bootcamp është shndrruar kohët e fundit në një vend ku flitet për inovacion dhe sipërmarrje, një stacion ku ndalojnë grupet e rëndësishme të vizitorëve nga Evropa dhe ShBA. Prandaj, për të gjithë ata që janë ende në dyshim:
A bën programimi për mua apo jo? Eja në betaPlan dhe provoje veten! Nise me kurset pa pare në programim. Kontakto tek contact@betaplan.al ose instgram @betaplan.al
Në foto janë themeluesit e betaPlan Coding Bootcamps: Ori HOXHA, Admir MALAJ, Rexhino ÇEKREZI
Ky artikull u publika më parë në numrin 35 të revistës businessmag.al.
Ju mund të abonoheni këtu dhe të shkarkoni revistën online
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
