Këtë fundvit, bëhu Babagjyshi i një dëshire fëminore! - Business Magazine Albania

Këtë fundvit, bëhu Babagjyshi i një dëshire fëminore!


Letrat e fëmijëve drejtuar Babagjyshit çdo fundvit nuk kanë se si të mbesin pa përgjigje. Këtë zgjidhje synon të sjellë këtë fundvit, projekti i Babagjyshit Sekret; një nismë sipërmarrjeje e konceptuar nga Organizata URA dhe kompania Connext. Për realizimin e idesë nevojitej zhvillimi i një platforme online dhe New Media Communications ishte e gatshme të jepte mbështetjen e saj menjëherë.

A keni besuar ndonjëherë në Babagjysh? A e keni patur dhe ju një të tillë? Po një sekret?

Pikërisht këtë frymë magjie, që ka munguar për disa breza, kërkon ta përcjellë anembanë vendit, këtë vigjilje festash, nisma“Babagjyshi Sekret”.

Babagjyshi Sekret filloi maratonën e vet të fundvitit në datën 6 Dhjetor me pranimin e letrave të dëshirave nga fëmijë të ciklit të ulët e të lartë 9-vjeçar nga mbarë vendi.

Po si funksionon Babagjyshi Sekret?

Përpos festimeve të zakonshme në sheshet dhe shtëpitë e shqiptarëve kishte ardhur koha për të sjellë diçka ndryshe këtë vit, të paktën për këtë vend. Duke qenë se në çdo kulturë, festat e fundvitit vërtiten rreth dhuratave për fëmijë si shpërblim për sjelljen e tyre të mirë, menduam të bëjmë të njëjtën, gjë, por që dhuratat sivjet t’ua sjellim në një mënyrë më misterioze që lumturon dhe marrësin, por dhe dhënësin.

Fëmija do kërkojë dhuratën e vet në mënyrën tradicionale: Me letër postuar në adresë të Babagjyshit i cili siç e dimë, jeton në Polin e Veriut. Mirëpo kush do i marrë këto letra, kush do i lexojë, kush do paketojë dhuratën dhe ta nisë në adresën e fëmijës?

Unë. Ti. Ajo. Ai.

“Siç do mirë-bërës anonim, Babagjyshi, mund të jesh ti.” Shprehet Uarda Koçi, Menaxhere e projektit.

Adresa për dërgimin e letrave nga çdo pikë e Postës Shqiptare drejtuar: Babagjyshit, Poli i Veriut, Kutia Postare 47, deri më 25 Dhjetor.

kete-fundvit-behu-babagjyshi-i-nje-deshire-feminore-business-magBashkohu duke u bërë babagjyshi i një dëshire fëminore, apo edhe duke nxitur një fëmijë të shprehë dëshirën e fundvitit. Për t’u bërë babagjysh, vizito platformën babagjyshisekret.al dhe rezervo letrën tënde, ndiq hapat dhe dhuro buzëqeshje.

Në pragun e festave të fundvitit, Babagjyshi aspiron në dërgimin e sa më shumë buzëqeshjeve tek ata, për buzëqeshjen e të cilëve, shoqëria jonë ka më shumë nevojë.

FËMIJË TË BUZËQESHUR, E ARDHME OPTIMISTE EDHE PËR SHQIPËRINË.

“Ndihemi të lumtur të japim mbështetjen tonë, për të realizuar diçka të mirë. Të vëmë në punë një “ingranazh“ nëpërmjet të cilit i japim mundësinë cilitdo të plotësojë një dëshirë për një fëmijë. Ideja e Connext ishte mjaft e bukur dhe në fundvit donim edhe ne të dhuronim diçka për fëmijët“ – shprehet Gerti Boshnjaku, CEO i New Media Communications.

Ajo në të cilën besojmë është zgjedhje e jona, por jeta do të ishte e papërballueshme nëqoftëse nuk do të besonim në asgjë.

Ndaj këtë fundvit UNË , TI, NE, zgjedhim të besojmë në Babagjyshin Sekret!

Më poshtë janë të treguara hapat që duhet të ndiqni për të dërguar letrat për Babagjyshin Sekret…

kete-fundvit-behu-babagjyshi-i-nje-deshire-feminore-business-mag

kete-fundvit-behu-babagjyshi-i-nje-deshire-feminore-business-mag kete-fundvit-behu-babagjyshi-i-nje-deshire-feminore-business-mag kete-fundvit-behu-babagjyshi-i-nje-deshire-feminore-business-mag

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0