Këshilla praktike dhe efektive për menaxhimin e stresit në vendin e punës - Business Magazine Albania

Këshilla praktike dhe efektive për menaxhimin e stresit në vendin e punës

Punoi: Babeta Rexhepi, kontributore

Studime të ndryshme psiko-sociale kanë nxjerrë në pah efektet negative si dhe shtimin e numrit të aksidenteve si rrjedhojë e stresit të akumuluar në vendin e punës. Është vënë re gjithashtu dhe rrezik i lartë në përkeqësimin e shëndetit fizik dhe mendor të punonjësve.

Studime të kryera në vende të ndryshme të botës e kanë lidhur nivelin e lartë të stresit  në punë me zhvillimin e shumë sjelljeve ose praktikave jo të shëndetshme si: duhanpirja, përdorimi I drogave, jeta sedentare si dhe ushqyerja e pa shëndetshme.

Faktorë të ndryshëm që mund të ndikojnë në përjetimin e stresit janë: organizimi i punës, shpërndarja e detyrave në punë, barrierat që lindin gjatë komunikimit në punë, konfliktet, mjedisi i punës, mungesa e motivimit në punë, etj.

Lexo: Menaxhimi i financave personale në kohë krize – disa reflektime

Për të menaxhuar stresin në vendin e punës, së pari duhet të bëjmë dallimin mes gjërave që mund të kontrollojmë dhe atyre jashtë kontrollit tonë në mjedisin e punës. Më poshte po rendisim disa këshilla për të përballuar me sukses stresin në mjedisin e punës:

  • Informimi mbi të drejtat dhe detyrimet tuaja si punonjës në vendin e punës. Është shumë e rëndësishme që punonjësit të jenë të qartë mbi të drejtat që u takojnë gjatë kryerjes së rolit profesional dhe përgjegjësitë që kanë gjatë realizimit.
  • Planifikimi dhe menaxhimi i kohës. Menaxhimi efikas i kohës është një nga elementet më kritikë. Për një menaxhim efikas copëzojeni punën në tre kategori : urgjentet, më të rëndësishmet dhe më pak të rëndësishmet. Pastaj filloni duke bërë të parat punët urgjente, më pas ato më shumë të rëndësishme dhe në fund punët as të rëndësishme dhe as urgjente.
  • Relaksohuni. Vetëm duke i dhënë kohë vetes, duke bërë pak pushim apo thjesht duke praktikuar disa frymëmarrje të thella, ju do rifitoni energji të reja për të përmbushur detyrat apo për të rifituar fokusin tuaj në punë.
  • Mendoni pozitivisht. Kënaquni dhe vlerësojeni veten sa herë përfundoni një detyrë dhe orientojini kritikat dhe konfliktet drejt zgjidhjeve konstruktive
  • Ndiqni një stil jetese jo sedentare. Bëni aktivitet të rregullt fizik ose të paktën rreth 30 minuta ecje në ajër të pastër. Në këtë mënyrë do çlironi endorfinë që ju bën të ndjeheni shumë mirë dhe ju çliron nga ankthi dhe stresi.
  • Qeshni sa më shumë. “Një jetë e jetuar pa të qeshura, është një jetë e çuar dëm” thotë Carli Caplin. Gjithashtu, e qeshura ka veti sugjestionuese dhe ndikon në mirëqënien tuaj dhe marredhëniet e këndshme me të tjerët.
  • Ndani problemet me miq dhe kolegë të ngushtë. Shkëmbimi i përvojave mes njëri- tjetrit apo njerëzve të besuar për ne, jo vetëm na ndihmon të marrim vendime më të zgjuara kur kalojmë një situatë të ngjashme, por edhe na çliron nga ankthi dhe stresi i akumuluar gjatë ditës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0