Këshilla për të mos marrë me vete punën në shtëpi - Business Magazine Albania

Këshilla për të mos marrë me vete punën në shtëpi


Në rast se nuk e keni dëgjuar, ekuilibri punë-jetë është një mit. Në përgjithësi ne duhet të integrojmë jetën me punën. E vërteta është se asnjëri prej nesh kurrë nuk do të arrijë një ekuilibër të përsosur dhe përpjekja për të arritur atje vetëm sa na streson. Integrimi në jetën e përditshme e pranon se ndonjëherë puna do të kërkojë më shumë vëmendjen tuaj dhe herë të tjera do të jetë jeta. Por, duke vendosur kufij dhe duke u siguruar ju t’u jepni përparësi zakoneve të shëndetshme, do të jeni në gjendje të përparoni në të gjitha aspektet e jetës suaj.

Lexoni: A ekziston balanca punë-jetë? Ja çfarë thonë sipërmarrësit më të suksesshëm

BusinessMag në këtë artikull ju sjell disa këshilla se si të ndani punën nga jeta juaj e përditshme:

Bëni lista me detyrat që duhet t’u jepni përparësi

“Unë krijoj një listë to-do në fillim të javës dhe e redaktoj atë çdo mëngjes. Gjithashtu e shikoj para se të largohem nga puna në mënyrë që të mund të kontrolloj çdo gjë që kam bërë dhe të di se çfarë duhet të ketë prioritet mëngjesin tjetër. Kjo më jep një ndjenjë se e kam mbyllur mirë ditën dhe ndihem mirë mendërisht”.

-Meera S., menaxher marketingu, Londër.

Mos u stresoni që të përfundoni gjithçka në listën tuaj

“Unë mbaroj së pari detyrat më të rëndësishme të ditës dhe mbaj gjysmën e dytë të ditës për detyrat jo-prioritare. Në këtë mënyrë nuk stresohem se puna nuk do të përfundojë. Edhe nëse ka mbetur diçka, e di që të nesërmen do ta përfundoj. Kjo strategji më ndihmon shumë dhe mban në ritëm punën time!”

-Aakriti Agarwal, trajner dhe konsulent i imazhit, Hyderabad, Indi

Vendosni kufij për email-et e punës

“Unë kurrë nuk e kontrolloj email-in tim të punës ose telefonin gjatë fundjavës – përgjigja ime jashtë zyrës është e ndezur deri në orën 9 të mëngjesit të ditës së hënë. Në këtë mënyrë njerëzit e dinë që nuk duhet të presin një përgjigje nga unë dhe unë nuk ndihem fajtore që nuk u kthej përgjigje”.

-Fiona Brown, autore dhe trajnere për vetëbesimin, Londër

Lexoni: Vendet ku mund të ruani balancën punë-jetë

Lini pajisjet e punës në punë 

“Kur lë punën, lë ndërtesën duke marrë vetëm çelësat dhe telefonin tim. Në të kaluarën unë merrja laptopin, bllokun e shënimeve, duke menduar se do të punoja më vonë në mbrëmje. Megjithatë, shanset janë se në mbrëmje ne jemi të lodhur dhe nuk do i hymë përsëri punës. Është një ndjenjë e mrekullueshme për të dalë nga ndërtesa vetëm me gjërat personale. Unë më pas shijoj kohën me familjen time dhe kur kthehem në punë të nesërmen, ndihem i relaksuar dhe i gatshëm për çdo pengesë”.

-Kirby Tousey, kreu i brandit dhe i përmbajtjes, Sheboygan, Wisconsin

Krijoni një ditë pune, edhe nëse nuk keni një orar tradicional

“Fillova biznesin tim rreth tetë vjet më parë, kur kisha një fëmijë. Në atë kohë puna ishte dytësore – Do të punoja kur më përshtatej mua: gjatë drekës, vonë në mbrëmje, të shtunave – kurdo që të ishte e përshtatshme. Pa kaluar 3 vjet unë papritmas kisha më shumë punë se sa mund të përballoja. Po punoja kudo, po kujdesesha për fëmijët në të njëjtën kohë dhe mora një vendim për të bërë një ditë pune të rregullt. M’u desh të punoja fort që të shmang punën pas orës 4 pasdite. Ndonjëherë projektet e mia nuk marrin të gjithë vëmendjen që u nevojitet dhe herë të tjera fëmijët nuk marrin të gjithë vëmendjen që duhet t’ju jap, por kam zbuluar se kjo mënyrë duke përcaktuar një orar pune të vërtetë, funksionon”.

-Caroline B., dizajnere interiori, Saratoga Springs, NY

Lexoni: 4 strategji për të patur një balancë mes karrierës dhe familjes

burimi: ThriveGlobal

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0