Këshilla për reduktimin e stresit - Business Magazine Albania

Këshilla për reduktimin e stresit


Përballja me stresin është diçka që pothuajse të gjithë ne duhet të kalojmë. Stresi nuk është gjithmonë një gjë e keqe. Ndonjëherë mund t’ju ndihmojë të bëni veprimet e duhura. Megjithatë, në këtë artikull, BusinessMag do flasë për llojin e keq të stresit. Ai që ju jep dhimbje koke dhe ju shkakton shqetësime, si dhe do t’ju tregojë disa këshilla për t’ju ndihmuar të reduktoni stresin.

Pra, çfarë shkakton stres? Mund të jetë, për shembull, kërkesë shumë e madhe në vendin e punës. Ballafaqimi me stresin në punë mund t’ju shkaktojë që të ngadalësoni ritmet e punës. Jo vetëm kaq, ai mund t’ju ndjekë në shtëpi dhe t”ju shkaktojë probleme me familjarët tuaj. Meqë stresi mund të shkaktojë si dëmtime mendore ashtu edhe fizike, është në interesin tuaj që të mësoni se si të merreni me të.

Një mënyrë është të pyesni veten, “Çfarë mund të bëj në këtë çast për ta bërë këtë situatë më të mirë?” Disa njerëz stresohen kur ngelin në trafik. Kjo mund të zgjidhet duke kuptuar se nuk ka asgjë në dorën tuaj që ta bëjë situatën më mirë. Stresi në këtë rast nuk do t’ju ndihmojë, kështu që pse duhet të stresoheni?

Lexoni: Sipas shkencës, njerëzit të cilët hanë më shumë çokollata janë më pak të stresuar

Po për stresin në vendin e punës? Përderisa jeni duke bërë gjithçka që mundeni brenda limiteve tuaja, pse stresoheni për ndonjë gjë tjetër? Shumica e njerëzve stresohen për gjërat që ata nuk kanë nën kontroll. Kur fokusoheni vetëm në gjërat që mund të ndryshoni, do të keni shumë më pak gjëra në mendjen tuaj. Kur ju keni shumë më pak gjëra në mendjen tuaj, do të keni shumë më pak stres.

Ka shumë mënyra të tjera të menaxhimit të stresit duke bërë joga, meditim, stërvitje. Shmangni kafeinën, alkolin dhe nikotinën. Mundohuni të flini më shumë, provoni teknika relaksimi si dhe mund të flisni me dikë, të cilit i besoni për problemet tuaja.

Nëse keni stres në vendin e punës ose në shtëpi, mbani mend se nuk ka asnjë vlerë të stresoheni për gjërat, që nuk mund të bëni asgjë për të ndryshuar. Fokusohuni vetëm tek ato që mund të ndryshoni dhe do të mund të shmangni stresin e pakuptimtë.

Mos u ankoni gjatë gjithë kohës se sa stres keni. Por, merrini gjërat me qetësi dhe zgjidhini me radhë. Çdo gjë do të rregullohet. Ndoshta jo brenda ditës, por duhet të dini se çdo gjë shkon në vendin e vet.

burimi: motivationalwellbeing

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0