Kapsula e SpaceX arrin në Stacionin Ndërkombëtar Hapësinor

Astronautët e NASA-s dhe kapsula e SpaceX kanë mbërritur në Stacionin Ndërkombëtar Hapësinor si pjesë e një misioni historik. Astronautët Doug Hurley dhe Bob Behnken arritën pas një udhëtimi 19-orësh që filloi nga Qendra Hapësinore Kennedy, një arritje historike në fakt për Elon Musk.

Kjo ishte hera e parë që kompania hapësinore e Elon Musk – ose ndonjë firmë private – dërgon njerëz në hapësirë, si dhe hera e parë që astronautët u larguan nga toka amerikane që nga përfundimi i programit Space Shuttle më 2011-ën.

Stacioni hapësinor në orbitë, rreth 220 milje mbi planetin dhe laboratori lundrues do të shërbejë si shtëpi për dy astronautët gjatë muajve në vazhdim, gjatë së cilës do të bëhen testime të mëtejshme në kapsulën e Crew Dragon. Hurley dhe Behnken ishin gati të merrnin kontrollin manual, por kapsula e SpaceX Dragon u tërhoq në stacion dhe u aktivizua automatikisht, pa patur nevojë për ndihmë.

“Mirësevini në shtëpi”, postoi në Twitter administratori i NASA-s, Jim Bridenstine. “Dy baballarët e preferuar të Amerikës në hapësirë janë futur në Stacionin Hapësinor,” shkroi ai.

Anija kozmike duhej të kryente një seri manovrimesh, për t’u afruar sa duhet për t’u vendosur në stacionin hapësinor. Pasi kapsula u fiksua mirë në stacionin hapësinor, menjëherë NASA, SpaceX dhe astronautë të tjerë përgëzuan këtë arritje historike.

LEXO: Elon Musk në histori, Falcon 9 lëshohet me sukses

Qëllimi i misionit është të tregojë aftësinë e SpaceX për të transportuar astronautë në stacionin hapësinor dhe kthimin e tyre në mënyrë të sigurt.

TechCrunch

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale