Ka hapur dyert Panairi më i madh i biznesit “Klik Ekspo Group”


Përmes një ceremonie u çel pasditen e së enjtes në Tiranë Panairi Ndërkombëtar i Bizneseve “Klik Ekspo Group”.

Mbi 280 kompani nga të gjitha vendet e botës kanë mbushur të 3 katet e Pallatit të Kongreseve, ku për 5 ditë me radhë do të ekspozojnë produktet dhe shërbimet e tyre, duke e kthyer kështu Tiranën, në kryeqendrën e biznesit dhe kulturës.

Ministra të qeverisë shqiptare por edhe ministra të huaj nga Kina; Hungaria; Serbia etj, ishin të pranishëm në ceremoninë hapëse të Panairit, por nuk munguan gjithashtu edhe ambasadorë, delegacione dhe ekspozues e sipërmarrës të shumtë. Luan Muhametaj president i Klik Ekspo Group i uroi mirëseardhjen kompanive pjesëmarrëse ndërsa theksoi se në rrugëtimin e tij shumëvjeçar, Klik Ekspo Group ka ditur përherë t’ia dalë më sukses dhe t’u mbizotërojë krizave ekonomike mes të cilash ka kaluar jo vetëm vendi ynë por gjithë Evropa.

“Megjithëse problemet e krizës që po kalon vendi ynë si gjithë Europa dhe Ballkani, Kliku ka ditur të lundrojë në gjithë këtë oqean biznesi dhe me mjaft sukses. Klik mbetet një ekspansion” tha Muhametaj.

Ndërsa Ministri i Shtetit i Hungarisë si i ftuar nderi theksoi se pjesëmarrja e Hungarisë në evente të përmasave të tilla, është një element i vjetër dhe i rëndësishëm komunikimi midis kombeve, një traditë shumëvjeçare në çdo pjesë të Europës që kohë pas kohe të sjellin mallrat tona për tua u treguara atyre që jetojnë larg nesh. “Edhe ky panair i sotëm është një rast i shkëlqyer që Hungaria të komunikojë me kombin shqiptar. “Hungaria dhe Shqipëria nuk janë të panjohur për njëri-tjetrin, pasi kanë marrëdhënie të mira prej më shumë se 100 vjetësh. Që në shekullin e 15-të Gjergj Kastriot SKËNDERBEU kishte marrëdhënie aleance me udhëheqësit hungarezë; apo mbreti Zog që zgjodhi të martohej me një princeshë hungareze Geraldinën”.

Nga ana tjetër përfaqësues i bizneseve të Serbisë Marco Cadez theksoi se ky panair është i rëndësishëm për të gjitha vendet, jo thjesht për Serbinë, por edhe për Kosovën, Maqedoninë, Bullgarinë, Hungarinë e shumë vende të tjera të Ballkanit e më gjerë, për një ekonomi dhe treg të përbashkët, sepse vetëm duke bashkëpunuar me njëri-tjetrin mund të jemi të suksesshëm me ekonomitë tona.

Përfaqësojnë vendin e tyre në ketë event të nëntorit ekspozues nga Kosova, Maqedonia, Serbia, Bullgaria, Greqia, Bosnjë Hercegovina, Sllovenia, Kroacia, Italia, Franca, Sllovakia, Hungaria, Republika Çeke, Austria. Por edhe ato realitete biznesi të cilat janë prezente si ekspozues në mënyrë alternative ose të përvitshme që vinë nga India, Polonia, Austria, Belgjika, Spanja, Argjentina.

Në Panairin e Klik Ekspo Group, zyrtarizohet Dhoma e përbashkët e Tregtisë Shqipëri-Serbi.

Dhoma e përbashkët e Tregtisë Shqipëri-Serbi është celebruar mbrëmjen e së enjtes, në kuadër të Panairit Ndërkombëtar të Tiranës, organizuar nga Klik Ekspo Group, ku biznesi serb prezantohet me një pavion të veçantë.

Ministri i Transportit dhe Infrastrukturës, Sokol Dervishaj duke përshëndetur krijimin e Dhomës së përbashkët të Tregtisë Shqipëri-Serbi, u shpreh se formalizimi i kësaj dhome tregtie do te afroje bizneset e dy vendeve tona dhe do te beje me shume se sa kemi bere ne politikanet per ekonominë. Ai shprehu mbështetjen për rrugëtimin e këtij e te ardhmen e këtij institucioni.

Luan Bregasi, Kryetar i Biznes Albania dhe Kryetari i Dhomës së Tregtisë së Serbisë, Miroyub Aleksio, në ceremoninë e zyrtarizmit të Dhomës së përbashkët të Tregtisë Shqipëri-Serbi, u shprehen se, ky është një hap në ndihmë të biznesit të të dy vendeve, që kontribuon në të mirë të ekonomive të shteteve respektive.

Gjatë fjalës së tij Bregasi falenderoi Ambasadorin e Serbisë në Shqipëri për kontributin dhe mbështetjen që i ka dhënë krijimit të Dhomës së përbashkët të Tregtisë Shqipëri-Serbi, e cila do të jetë e aftë të bëjë më shumë për sipërmarrjen.

Ndërsa kryetari i Dhomës se Tregtisë së Serbisë, Miroyoub Aleksisu shprehu bindjen se ky bashkëpunim i ri mes bizneseve do të shtojë shkëmbimet tregtare mes dy vendeve dhe do të jetë një institucion në mbështetje të interesave të biznesit.

Krijimi i shoqatës së përbashkët është iniciuar nga biznesmenë të Serbisë si dhe është mbështetur nga Dhoma e Tregtisë së Shqipërisë, Dhoma e Tregtisë së Tiranës, si dhe shoqatave të tjera të biznesit në Shqipëri.

Prezenca e kompanive serbe në Panairin “Klik Ekspo Group” ka kaluar më shumë se një 10 vjeçar. Tashmë çdo vit më shumë se 30 kompani zgjedhin të ekspozojnë produktet e tyre në eventin më të rëndësishëm që organizohet në Shqipëri; Panairin Ndërkombëtar të Tiranës.

Përveç turizmit dhe energjetikës, Dhoma Ekonomike e Serbisë e sheh potencialin e investimeve në Shqipëri në projektet e ndërtimit, por edhe në kërkimin e tregjeve të reja.

Burimi: ata.gov.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale