CEO i AMAZON, njëkohësisht njeriu më i pasur në botë njoftoi përmes një postimi në Instagram se do të themelojë Bezos Earth Fund. Ai tha se do të fillojë dhënien e granteve këtë verë. Me një pasuri prej 130 miliardë dollarësh, ai do të dhurojë 7.7 % të pasurisë së tij.
“Ndryshimet klimatike janë kërcënimi më i madh për planetin tonë”, tha Bezos. “Unë dua të punoj së bashku me të tjerët për të forcuar rrugët ekzistuese që luftojnë ndryshimet klimatike si dhe për të gjetur mënyra të reja për të luftuar ndikimin shaktërrues që kanë ndryshimet klimatike në planetin ku jetojmë të gjithë bashkë”.
Kjo lëvizje i nxit punonjësit të kërkojnë që kompania t’i luftojë më shumë ndryshimet klimatike. Më shumë sesa 350 punonjës firmosën një blog në janar duke kërkuar emetime zero deri në 2030, përkrah kërkesave të tjera.
Lexo këtu: Elon Musk mbështet publikisht aktivisten klimatike Greta Thunberg
Në muajin shtator, Bezos bëri të ditur premtimin se do t’a kthejë Amazon në kompani neutrale karboni, deri në vitin 2040, 100% energji të ripërdorshme deri në vitin 2030 dhe 100.000 makine elektrike deri në 2030.
“Bezos është i vetmi amerikan nga 5 njerëzit më të pasur në botë, i cili nuk firmosi Giving Pledge, në të cilën pjesëmarrësit premtuan se do të dhuronin gjysmën e pasurisë së tyre gjatë jetës”, shkruan Paige Leskin për Business Insider. Ish-gruaja e tij, MacKenzie Bezos, e firmosi Giving Pledge në maj.
Postimi i tij i plotë në Instagram:
Sot, jam shumë i entuziazmuar të njoftoj lançimin e Bezos Earth Fund
Ndryshimet klimatike janë një nga kërcënimet më të mëdha për planetin tonë. Unë dua të punoj së bashku me të tjerët për të forcuar rrugët ekzistuese që luftojnë ndryshimet klimatike si dhe për të gjetur mënyra të reja për të luftuar ndikimin shaktërrues që kanë ndryshimet klimatike në planetin ku jetojmë të gjithë bashkë. Kjo iniciativë globale do financojë shkencëtarët, aktivistët, OJQ-të, çdo përpjekje që oforn mundësi për ruajtjen dhe mbrojtjen e botës natyrore. Ne mund ta shpëtojmë Tokën. Duhet punë e përbashkët nga kompanitë e mëdha, kompanitë e vogla.Kombet e Bashkuara, organizatat globale dhe individët.
Unë po jap 10 miliardë dollarë për të filluar ndarjen e granteve këtë verë. Toka është e të gjithëve- le ta mbrojmë atë, së bashku.
-Jeff
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English