Ja si këta CEO të suksesshëm menaxhojnë ekipin e tyre


Burimet njerëzore janë shumë të rëndësishme brenda një kompanie apo organizate, por gjithashtu një nga elementët më të vëshitrë për t’u gjetur dhe menaxhuar. Në këtë artikull BusinessMag ju sjell mënyrën se si këta 5 CEO të suksesshëm kanë gjetur për të ndërtuar kulturën brenda ekipit dhe kompanisë së tyre.

Lexoni: 5 gjëra që ju ulin produktivitetin

Michael Kurland

Themelues dhe CEO, Branded Group (ndërtim)

“Ne organizojmë vazhdimisht aktivitete vullnetare, vitin e kaluar kemi kaluar 250 orë në ‘Habitat for Humanity’. Gjithashtu nuk ka shumë kohë që bëmë natën tonë të parë të familjes – lojëra dhe sanduiçe – dhe u takuam me familjet e njëri-tjetrit. Ishte një gjë e këndshme.”

Josh Melick

Bashkë-themelues dhe CEO, Broadly (software)

“Kur ju bëni diçka përgjysëm, duket sikur është e sforcuar. Trajtojini çështjet sociale po me aq kujdes sa kompaninë tuaj. Ju mund të shpenzoni mijëra dollarë në orë për pagën e punonjësve, kështu që një faturë 200$ për pica nuk është ndonjë shpenzim i madh. Të gjithë ndihen keq në një event të ngrysur. Kjo po që është humbje e parave”.

Relina DeDios-Shirley

Bashkë-themeluese dhe CEO, Hidelt Mounts (Produkte dhe shërbime konsumi)

“Krijimi i kulturës së ekipit vjen nga fakti që ata duhet ta shohim njëri-tjetrin si njerëz. Më pëlqen të mblidhemi rreth ushqimit, kështu që një herë në muaj porosisim të hamë si ekip. Kemi bërë edhe aktivitete të tjera të ndryshme, por më pëlqen të bisedoj rreth tryezës”.

Heather Blease

Themeluese dhe CEO, SaviLinx (Produkte dhe shërbime biznesi)

“Ekipi ynë udhëton shumë dhe në vend që të përdorim hotele, vendosim të qëndrojnë së bashku në ambiente që gjejmë në Airbnb. Ne kemi përfunduar duke shkuar në shumë vende. Bëjmë pazar së bashku, ulemi rreth një zjarri, apo shikojmë ndonjë ndeshje futbolli”.

Lexoni: Si mund të rrisni produktivitetin dhe përqëndrimin në punë?

Ted Baker

Bashkë-themelues dhe CEO, Qalo (produkte dhe shërbime konsumi)

“Ne ndërtojmë një ekip që të jetë sa më aktiv, sidomos jashtë punëve të zyrës. Madje kemi organizuar një olimpiadë mes departamenteve dhe të gjithë anëtarët e ekipit ishin pjesë e garës. Gjëra të tillë nxjerrin anën njerëzore dhe i bëjnë ata më të sigurt në punën e tyre”.

burimi: INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale