Për herë të parë, Junior Achievement of Albania sjell një kompeticion, i cili i kalon pritshmëritë e kompeticioneve të mëparshme të startup-eve, një format unik me shpërblime edhe më të mëdha për fituesit. JuniorUp mbajti finalen e një procesi të gjatë mentorimi të enjten, 15 Shtator 2022.
Blerina Guga, shefe ekzekutive e Junior Achievement of Albania, mikpriti të ftuarit, duke kujtuar rrugëtimin e JuniorUp dhe të shtatë finalistëve që prisnin në ankth për të bërë prezantimet e tyre. Gerion Treska, menaxher i programit, vijoji duke shpjeguar “rregullat e lojës”, siç i quajti ai. Finalistët do të kishin vetëm 3 minuta kohë për të prezantuar, përpara se juria të shuante kuriozitetin, duke u bërë edhe më shumë pyetje mbi modelet e bizneseve të tyre.
Në juri u ulën:
- Martin Mata, Bashkë-drejtues ekzekutiv i AADF
- Aleksandër Sarapuli, Bashkë-drejtues ekzekutiv i AADF
- Elvin Guri, Sipërmarrës dhe Investitor
- Dorin Rama, Drejtues ekzekutiv i Crimson Finance Fund Albania
- Kushtrim Xhakli, Drejtues i Connected Inventions
Lexo: Lorenzo Cappanari, sipërmarrësi, profesori dhe autori i librave në skenën e AllWeb
Startup-et pjesëmarrës u trajnuan për 150 orë nga 8 ekspertë të aspekteve të ndryshme të biznesit dhe 1 ekspert i huaj. Idetë të cilat arritën në finale vijojnë si më poshtë:
- Arbis – një biznes në fushën e stilimit të veshjeve, i cili do të ofrojë dizajne të personalizuara, i prezantuar nga Arla Çarçiu.
- Crazy Creative House – një agjensi kreative, e fokusuar në UI/UX design, për të sjellë zgjidhje unike dhe user-friendly për bizneset, prezantuar nga Kristi Kumria.
- Dora Creative – një agjensi marketingu, e cila funksionon totalisht me freelancers, e prezantuar nga Oriana Çekrezi dhe Antonio Demiri.
- LikSad e-bikes – një biznes dhënie me qera të biçikletave elektrike dhe guidave të qyteteve të ndryshme, prezantuar nga Sadi Lika.
- Performo – një platformë, e cila bën bashkë trajnerët e sportit me sportistët profesionistë dhe fushat ku mund të kryejnë trajnime, prezantuar nga Fjona Huta.
- Switch Technologies – një akademi programimi me bazë aktuale në qytetin e Elbasanit, prezantuar nga Kleo Zane dhe Klised Rungo.
Fituesit e natës finale u shpallën: Dora Creative, LikSad e-bikes, dhe Switch Technologies, duke u bërë kështu secili përfitues të një çmimi prej 10 000€.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
