Ja cilat janë diferencat mes Facebook dhe Twitter - Business Magazine Albania

Ja cilat janë diferencat mes Facebook dhe Twitter


Facebook dhe Twitter erdhën në jetë vetëm dy vite larg diferencë nga njëri-tjetri.

Por rrjetet sociale kanë pasur dy jetë shumë të ndryshme. Facebook tashmë ka më shumë se 1.6 miliardë përdoruesë mujorë dhe vazhdon të rritet, ndërsa rritja e Twitter ka mbetur në 300 milionë përdoruesë.

Ka qenë themeluesi i vetë Facebook, Mark Zuckerberg ai që ka drejtuar kompaninë dhe ka qenë rendësi i shanseve që nga dita e parë. Ndërsa Twitter ka pasur disa ndryshime të CEO-ve dhe trazira të brendshme ku bashkëthemeluesi Jack Dorsey po bën “turin”e dytë të detyrës si CEO në krye të kompanisë.

Përveç të tjerave, kompanitë kanë dy kultura të brendshme organizate shumë të ndryshme.

Në Facebook, një nga motot e ditëve të para i bëri punonjësit të “lëviznin shpejt dhe të sillnin inovacion.”

Ashtu siç e shpjegoi në prospektin e IPO-s të vitit 2012 Facebook:

“Të ecim shpejt na bën të mundur ne të ndërtojmë më shumë gjëra dhe mësojmë më shpejt. Gjithsesi, ndërsa pjesa më e madhe e kompanive rriten, ato e ulin ritmin sepse kanë më shumë frikë të kryejnë gabime se sa kanë frikë faktin se mund të humbasin mundësi ndërsa lëvizin ngadalë. Ne kemi një shprehje: ‘Ec shpejt dhe inovo.’ Ideja është se nëse kurrë nuk bën diçka jashtë të zakonshmes, mbase nuk po ecën me ritmin e duhur.”

Që prej asaj kohe Zuckerberg ka shtuar doktrinën e “të ecurit shpejt me një infrastrukturë të qëndrueshme”-një konsideratë e cila me rritjen e Facebook dhe me rolin më të rëndësishëm që ka rrjeti sot, nuk mund të jetë kaq “dorëlëshuar” saç ka qenë dikur.

Sërish të ecësh shpejt ngelet qendra e filozofisë së Facebook. Krahasoje këtë me një shpallje për një vend vakant për inxhinier në Twitter:

“Balanco dëshirën për të transmetuar regullat me përgjegjësinë për ta bërë siç duhet,”

Nga mesazhi duket qartë se është perfeksioni, dhe jo shpejtësia, prioriteti kryesor dhe tipari më i vlefshëm i një punonjësi nё Twitter. Gati duket sikur shpejtësia është një dobësi e brendshme e karakterit tё programuesve, një problem potencial i rrezikshëm i cili duhet të rregullohet ose të paktën të zbutet nga kompania.

Por ajo që bie në sy në fakt është se rreshti i Twitter për të bërë gjërat siç duhet nuk përfshihet në të gjitha listimet për punë. Ai aplikohet vetëm për punët që kanë të bëjnë me inteligjencën artificiale, dhe mbase për një arsye të mirë, duke patur parasysh fuqinë e punëve të inteligjencës artificiale dhe rolit që pritet të ketë në shoqëri.

Sërish, një nga kritikat më të mëdha ndaj Twitter ka qënë hapi shumë i ngadaltë me të cilën ka sjellë tipare dhe produkte të reja ndër vite, krahasuar veçanërisht me ndryshimet e shpeshta dhe të qëndrueshme të shërbimeve Facebook (por jo të gjitha janë të suksesshme).

‘Kriteri’ i Twitter përsa i përket listimeve për punë, mund të mos jetë politikë universale e kompanisë, por na jep një ide të qartë rreth mentalitetit të kompanisë.

 

/Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0