Ja cilat janë 11 vendet më të mira për të jetuar. Po Shqipëria? - Business Magazine Albania

Ja cilat janë 11 vendet më të mira për të jetuar. Po Shqipëria?


Forumi Ekonomik Botëror ka renditur 11 vendet me ekonomitë më të mira në botë duke u mbështetur në Raportin vjetor të Indeksit të Zhvillimit Human (Human Development Index), i cili rendit vendet ku njerëzit jetojnë më gjatë dhe më shëndetshëm, me fjalë të tjera, vendet më të mira për të jetuar.

Organizata e Kombeve të Bashkuara mori në analizë 200 vende në të gjithë globin për një numër kategorish si pritshmërinë për jetën, arsimimin, barazinë gjinore dhe shëndetin financiar.

Shqipëria renditet e 75-a në klasifikim për 2015-n, njësoj me një vit më parë. Njerëzit në Shqipëri kanë një jetëgjatësi mesatare prej 78 vitesh dhe mesatarisht arsimohen për 14.2 vite. Në krahasim me vendet e rajonit, renditemi të tretët.

Të parët në rajon renditen malazezët, të cilët kanë jetëgjatësinë mesatare 78.6 vjet dhe shkojnë në shkollë mesatarisht 15.2 vite. Të dytët renditen banorët e Serbisë, të 66-ët nga 200 vende, jetojnë mesatarisht 77.9 vite dhe shkojnë në shkojnë në shkollë mesatarisht 14.8 vite.

Më poshtë në klasifikim është Bosnjë-Hercegovina dhe Maqedonia, që renditen në vendin e 81-të dhe 82-të.

Vendet që u renditën të parat:

11-Shtetet e Bashkuara renditen të parët për sa i përket shëndetit financiar. Amerikanët fitojnë mesatarisht 53 mijë dollarë çdo vit.

10-Kanadaja, në garë me Shtetet e Bashkuara, renditet me pikët më të larta për sa u përket arritjeve në arsim. Më shumë se gjysma e banorëve të saj kanë një diplomë universitare.

9-Islanda, njerëzit në Islandë kanë pritshmëri të larta për jetën, ata jetojnë mesatarisht 82.7 vite.

8-Irlanda, Krimi është i ulët në Irlandë. Norma e vrasjeve është vetëm 1.1 për 1000 njerëz, sipas të dhënave më të fundit.

7- Holanda, ky vend ka një ndër normat më të ulëta për sa i përket pabarazisë në të ardhura në botë. Normë, e cila ka qenë në vazhdimësi në ulje që nga mesi i viteve ’90.

6-Singapori, edhe në këtë vend njerëzit jetojnë gjatë. Mosha mesatare është mbi 83 vite në Singapor.

5-Danimarka, hendeku gjinor për sa u përket pagave përllogaritet rreth 7.8%. Për krahasim, hendeku gjinor në Shtetet e Bashkuara të Amerikës qëndron në nivelin prej 17.9%.

4-Gjermania, që nga tetori i 2014-s, të gjitha universitetet janë falas për rezidentët dhe studentët e huaj në Gjermani, ku mbi 96% e popullsisë ka të paktën një shkollë të dytë.

3-Zvicra, renditet në vend të parë për sa i përket shëndetësisë. Mesatarisht, njerëzit jetojnë deri në moshën 83-vjeçare dhe kanë një rrezik të ulët për sa u përket sëmundjeve si malaria, HIV dhe tuberkulozi.

2-Australia, arsimi përbën rreth 5% të PBB-së së vendit. Organizata e Kombeve të Bashkuara doli në përfundimin se një studenti, studimet i zgjasin rreth 20 vite në Australi.

1-Norvegjia, mban vendin e parë për të 13-in vit me radhë. Renditet i pari për sa i përket standardit të jetesës, pritshmërisë së jetës dhe arsimit. Një njeri jeton mesatarisht 82 vite në Norvegji.

burimi: monitor

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0