Ja çfarë duhet të bëni sipas shkencës që të mendoni si "të rinj" - Business Magazine Albania

Ja çfarë duhet të bëni sipas shkencës që të mendoni si “të rinj”


Nëse do të ndihesh më i ri, nuk ka zëvendësim me jetesën e shëndetshme dhe shkuarjen në palestër. Por po sikur të kërkosh të mendosh si një më i ri në moshë?

Truri ynë është jashtëzakonisht elastik, madje duke mundësuar rritjen e qelizave të reja të trurit në moshën e rritur, por edhe ky organ vjen një moment dhe plaket. Njerëzit e përjetojnë këtë ndërsa memoria fillon e “shket”, por shkencëtarët mund të shikojnë ndryshimet fizike në një tru më të vjetër kur ata ekzaminojnë detajet si sasia e masës gri dhe asaj të bardhë në skanimet e trurit.

A ka ndonjë mënyrë për të ngadalësuar orën natyrale në këtë nivel fizik dhe për t’i dhënë trurit një shtysë që të ngjajë me atë të një personi të ri? Një studim i fundit ka sugjerime në lidhje me këtë.

Cila është kjo ndërhyrja mrekulli? Asgjë më shumë se praktika e një meditimi të thjeshtë. Kur skuadra e kërkimit përdori një program kompjuteri të specializuar për të vlerësuar “moshën e trurit” të 50 medituesve përkundrejt 50 jo medituesve, ai gjeti se “medituesit me përvojë kanë tru që mesatarisht duken 7.5 për qind më të rinj se ata që nuk meditojnë,” raportohet në blogun “British Psychological Society Research Digest”.

Efektet dukeshin veçanërisht dramatikë për pjesëmarrësit më të vjetër. “Medituesit më të vjetër kishin një tru që dukej se ishte i ruajtur mirë, duke sugjeruar se meditimi sjell mbrojtje kundër humbjes së qelizave të trurit të shoqëruara me moshimin,” vëren blogu.

Edhe pse intrigues, kërkimi nuk është përfundimtar. Mundet që njerëzit që meditojnë të bëjnë gjëra të tjera që e mban trurin e tyre të ri, ose që njerëzit me tru që plaket më ngadalë janë më të prirur të meditojnë. Por rezultatet sugjerojnë një tjetër arsye më të mundshme se përse një praktikë e thjeshtë meditimi mund të jetë një ide e mirë.
Përveç benefiteve si reduktues stresi, meditimi është sugjeruar për çdo gjë që nga rritja e kreativitetit deri te rritja e përfitimeve ekonomike.

 

/Shkruar nga Jessica Stillman dhe publikuar nga Inc.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0