Ja çfarë duhet të bëni kur doni t’iu kthehen paratë për një aplikacion të blerë

Të gjithëve na ka ndodhur që të bëjmë blerje të gabuara online. Me sende fizike, ne marrim paratë mbrapsht për një blerje të gabuar thjesht duke e kthyer produktin mbrapsht në dyqan.

Por si mund të kthejmë një produkt dixhital.

Më poshtë është shpjeguar sesi të merrni paratë mbrapsht për një aplikacion që keni blerë.

Aplikacionin mund ta keni blerë gabimisht ose ndoshta pas blerjes aplikacioni nuk ka funksionuar siç keni dashur ju, ose ndoshta keni paguar për pagesa brenda aplikacioneve që s’keni dashur.

Ju mund të merrni paratë mbrapsht brenda dy orësh që keni bërë blerjen duke ndjekur këto hapa:

1.Hapni Google Play Store

2.Shtypni mbi tre vijat horizontale në të majtë lart për të hapur menunë

3.Zgjidhni Account>Order History

4.Gjeni aplikacionin që doni të çinstaloni dhe paratë tuaja do të kthehen

5.Ju do të merrni një e-mail ku ju tregohet për kthimin e parave.

Nëse kanë kaluar më shumë se 2 orë po prapë brenda 48 orëve të blerjes, atehere ju mund t’i merrni paratë mbrapsht ndërmjet browserit tuaj. Sigurohuni që jeni futur në llogarinë e Google dhe klikoni mbi këtë LINK ku duhet të plotësoni një formular.
Nëse kanë kaluar më shumë se dy ditë atëherë duhet të shkoni drejt e te zhvilluesi e të kërkoni një kthim parash.

1.Hapni Google Play Store

2.Shtypni mbi tre vijat horizontale në të majtë lart për të hapur menunë

3.Zgjidhni Account>Order History

4.Gjeni aplikacionin që doni të çinstaloni dhe shtypni View

5.Zbrisni poshtë në seksionin e Developer në fund dhe zgjidhni Send E-mail

6.Shpejgoni se pse doni një kthim parash

/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.