Përpara se të bëhej J.K Rowling, Joanne Rowling ishte një nënë e re e papunë. Ajo aplikoi për përfitime sociale për të ndihmuar në kujdesin e vajzës së saj 1-vjeçare. Ajo ishte në depresion dhe kishte tentuar disa herë vetëvrasjen.
Ajo e konsideronte veten me fjalë të thjeshta “e varfër në Britaninë e Madhe, por jo e pastrehë.”
Rowling më pas ktheu kokën tek e shkuara e saj duke thënë se, “ky ishte dështimi më i madh që mund të kem parë.”
Gjatë të njëjtës kohë, ajo përfundoi novelën e saj të parë. E nisi tek botues të ndryshëm. Dymbëdhjetë e refuzuan atë. Por botuesi i trembëdhjetë e vlerësoi dhe pranoi publikimin.
Ky ishte një moment i artë për Rowling.
Dhe sot mbi 500 milionë kopje të volumeve të Harry Potter janë shitur, duke u bërë dhe librat më të shitur të të gjitha kohërave. Filmat e Harry Potter aktualisht janë seritë me fitimet më të mëdha ndonjëherë.
Dhe J.K. Rowling është autorja e parë që fiton më shumë se 1 miliard dollarë. Vetëm këtë vit ajo fitoi rreth 54 milionë dollarë nga libra, filma dhe prodhime skenike.
Çfarë vendimi mori ajo që i ndryshoi jetën?
Sipas Rowling: “Unë ndalova së pretenduari se unë isha ndryshe nga ajo që isha dhe fillova të drejtoj gjithë energjinë time për të përfunduar punën e vetme që kishte rëndësi. Sikur të kisha sukses në ndonjë gjë tjetër, unë kurrë nuk do të kisha gjetur vendosmërinë për të pasur sukses në një fushë ku me të vërtetë i përkisja.
” Isha e lirë, sepse frika ime më e madhe kishte kaluar, isha ende gjallë dhe kisha akoma një vajzë që e adhuroja. Kisha një makinë shkrimi të vjetër dhe një ide të madhe. Dhe kështu humnera para syve të mi u bë një themel i fortë, në të cilin rindërtova jetën time”.
Suksesi nuk parashikohet kurrë.
Nëse jeni të gatshëm të punoni shumë, këmbëngulni dhe guxoni për veten tuaj, kush jeni është më se e mjaftueshme. Edhe nëse nuk keni ndonjë avantazh ekstrem. Edhe në qoftë se ju mendoni se nuk keni asgjë tek vetja. Ju nuk duhet të prisni – të pranoheni, të promovoheni, të përzgjidheni, në një farë mënyre të “zbuloheni”.
Jo më!
Mundësitë janë të pakufizuara; mund të lidheni me pothuajse të gjithë përmes mediave sociale. Mund të filloni biznesin tuaj. Publikoni punën tuaj. Shpërndani muzikën tuaj. Krijoni produktet tuaja. Tërhiqni financimet tuaja.
Ju mund të bëni pothuajse çdo gjë që dëshironi dhe nuk keni më nevojë të prisni që dikush tjetër të zbulojë talentet tuaja.
E vetmja gjë që ju mban mbrapa është vetja…dhe vullneti për të provuar.
Edhe nëse nuk mund të bëheni J.K. Rowling, është në rregull.
Mund të jeni i pari ju.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
