Influencers dhe kompanitë që punojnë me markat në Instagram së shpejti do të jenë në gjendje të përdorin funksionalitetin checkout (arkës) brenda aplikacionit, për të cilën kompania filloi testimin që në muajin Mars, sipas The New York Times.
Lexoni: Nën moton “E ardhmja është private” Facebook sjell 5 njoftimet më të rëndësishme nga konferenca F8
Funksionaliteti Checkout në aplikacion u mundëson konsumatorëve të vendosin çmimin e produktit në një postim, të zgjedhin detajet e produktit si madhësia dhe ngjyra përpara se të klikojnë mbi një buton “Checkout in Instagram” dhe të fusin informacionin e pagesave dhe të transportit për të përfunduar blerjen, të gjitha pa u larguar nga aplikacioni.
Për të filluar, 23 marka do të punojnë me 55 llogari krijuese të përmbajtjes. Instagram aktualisht nuk merr pjesë parash në shitjet, por tarifon markat që përdorin shërbimin e checkout.
Përgjigjia për këtë funksionalitet ka gjasa të jetë një hap tjetër në procesin e shndërrimit të Instagram si një platformë e-commerce e plotë.
Checkout në aplikacion përfundimisht mund të vihet në dispozicion të të gjitha markave dhe influencers, madje edhe të përdoruesve të rregullt, duke bërë që shumica e postimeve, pse jo dhe të gjitha të jenë gati për t’u shitur. Nëse kjo do të ndodhë, do të jetë më e lehtë për Instagram të bëhet një destinacion pazari, sepse do të ofronte një eksperiencë të qëndrueshme dhe të efektshme të checkout.
Lexoni: Mark Zuckerberg: “E ardhmja e Facebook nuk janë vetëm reklamat”
Është e mundur që funksionaliteti të jetë në dispozicion për shumicën e tregtarëve dhe influencers të tyre të zgjedhur, pasi kjo do t’i jepte Instagram përvojë të unifikuar. Instagram mund t’u japë të gjithë përdoruesve këto mjete, sepse do të ndihmonte në përfshirjen e përdoruesve në platformën e saj të e-commerce dhe potencialisht të ndërtonte reputacionin e saj si një opsion për shitje me pakicë.
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English