Ka disa ditë që Instagram shfaq probleme. Mos u shqetësoni, gjithçka do të zgjidhet shpejt.
Platforma po teston disa opsione të reja përgjatë muajve Nëntor dhe Dhjetor, përfshirë ikona, butona dhe navigim më të shpejtë.
Instagram ka shpjeguar në një postim në blog ndryshimet e mundshme. Foto juaj e profilit mund të zhvendoset në cepin e djathtë, emri juaj do të jetë në gërma më të mëdha në krye të faqes. Ndjekësit dhe personat që ju ndiqni në aplikacion, do të kenë më pak përparësi se më parë, dhe numri i postimeve që keni bërë nuk do të jetë më i pranishëm.
Butoni “Follow” dhe “Message” do të testohet në profile të ndryshme me më shumë opsione për faqet e biznesit, përfshirë dhe “Start Order”.
“Ne po punojmë me këto ndryshime dhe do t’i testojmë ato në faza dhe kombinime të ndryshme, me komunitetin tonë gjatë javëve të ardhshme,” shkruhet në postim. “Eksperimentet dhe përditësimet do të vazhdojnë për të përmirësuar eksperiencën e përdoruesit në aplikacion me kërkesën e tij.”
Që prej largimit të bashkëthemeluesve Kevin Systrom dhe Mike Krieger në muajin shtator, drejtuesi i ri Adam Mosseri duket se e ka marrë në dorë “timonin” e Instagram. Këto ndryshime të fundit janë një nga iniciativat e tij të para për ndryshim.
Lexoni: Instagram emëron CEO-n e ri: Adam Mosseri
Vetëm në muajin Tetor, platforma deklaroi një sesion ku mund të kontrollohet koha e shpenzuar në aplikacion i quajtur ‘Your Activity’, tre opsione të reja për shopping dhe opsioni i taggimit të personave edhe në video.
Lexoni: Instagram po shndërrohet në një aplikacion për shopping
Instagram gjithashtu po punon për të penguar pëlqimet dhe ndjekësit e rremë, komentet nga aplikacionet e dyshimta të palës së tretë dhe për të luftuar ngacmimet në platformë.
/mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
