Instagram është një hap larg fshehjes së pëlqimeve në fotot tuaja


Kompania në pronësi të Facebook po zgjeron testin e saj që fsheh pëlqimet që ju i merrni në postimet në instagramin tuaj. Ky test është duke u bërë në shumë vende, përfshirë Irlandën, Italinë, Japoninë, Brazilin, Australinë dhe Zelandën e Re.

Kanadaja ishte vendi i parë me të cilin Instagram filloi testimin. Pëlqimet, të cilat shfaqen si zemra në Instagram, shpesh përdoren si një vlerësim i popullaritetit.

Testi heq numrin e përgjithshëm të pëlqimeve në foto dhe video, por pronari i profilit të tij do të jetë në gjendje t’i shohë ato. Liket nuk do të shfaqen në foto siç jemi mësuar t’i shohim.

“Ne po e testojmë këtë sepse duam që ndjekësit tuaj të përqëndrohen në fotot dhe videot që ju ndani me ta, dhe jo tek numri i likeve që ju merrni”,- tha një zëdhënës i Instagram.

Për disa përdorues, mungesa e pëlqimeve të mjaftueshme mund të ndikojë në vetëvlerësimin e tyre. Sipas një raporti të fundit nga Shoqëria Mbretërore për Shëndetin Publik në Mbretërinë e Bashkuar, Instagram është aplikacioni më i dëmshëm i rrjeteve sociale për shëndetin mendor të të rinjve.

Testi nuk adreson disa nga faktorët e tjerë që mund të ndikojnë në mirëqenien e përdoruesve në Instagram, duke përfshirë ngacmimin, ose të menduarit se jeta e dikujt tjetër është më e mrë se e tyre.

“Ndikimi më i madh i Instagram-it është përmbajtja”,- tha Renee Engeln, një profesor i psikologjisë në Universitetin Northwestern. “Ekspozimi ndaj kësaj rryme të vazhdueshme të fotografive të përsosura, është ajo që duket se shkakton dëme psikologjike.”

Instagram bëri gjithashtu një lëvizje kohëve të fundit për të trajtuar ngacmimet që ndodhin brenda platformës. Më parë Instagrami njoftoi një mjet të ri që përdor inteligjencën artificiale, për t’i treguar përdoruesve kur një koment mund të konsiderohet abuzues para se të postohet.

Përveç kësaj, Instagram po shton një mënyrë “kufizimi” që synon luftimin e abuzuesve. Kur e kufizoni një përdorues tjetër, komentet në postimet tuaja nga ai person janë të dukshme vetëm për ta, dhe jo për njerëzit e tjerë. Përdoruesit e kufizuar gjithashtu nuk do të jenë në gjendje të shohin nëse ai person është aktiv në Instagram ose nëse i kanë lexuar mesazhet e tyre.

CNN

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale