Innovation Centre Kosovo (ICK) ka lançuar thirrjen e 15-të për bizneset startup nga Kosova, që të bëhen pjesë e Inkubatorit.
“Kosova ka nevojë për biznese të reja dhe inovative, të cilat do të jenë infuzion i ekonomisë së re dhe do të jenë bartës të zhvillimit ekonomik dhe punësimit në Kosovë. Innovation Centre Kosovo do të vazhdojë t’i mbështes këta të rinj”, thotë Drejtori Ekzekutivi i ICK-së, Uranik Begu.
Inovatorët me ide komerciale kanë mundësinë për t’u bërë pjesë e programit të inkubatorit, ku përveç grantit me vlerë deri në 5,000 euro, do të përfitojnë edhe shumë shërbime të tjera si:
• Konsulencë dhe mentorim të vazhdueshëm
• Qasje në rrjetet e investitorëve ndërkombëtarë
• Pjesëmarrje në trajnime, evente, konferenca, panaire, gara vendore dhe ndërkombëtare
• Zyrë moderne me të gjithë infrastrukturën përcjellëse dhe qasje 24/7
• Trajnim/program/punëtori specifike për bizneset startup – zhvillim dhe planifikim të biznesit
• Shërbime nga Amazon Web Service me vlerë $5,000
• Shërbime nga Microsoft BizSpark Network Partner
“Ne i mbështesim sipërmarrësit e rinj dhe bizneset startup me mentorim, konsulentë dhe trajnime”, thotë Safet Rama, Menaxher i Inkubatorit të biznesit në Innovation Centre Kosovo.
“Ekipet në Innovation Centre Kosovo kanë qasje edhe në zyra, hapësira “coworking”, salla konferencash dhe panaire jashtë vendit”.
E veçanta e kësaj thirrjeje është se në bashkëpunim me partnerët si Ambasada Suedeze, GIZ dhe EFSE, ICK do të ofrojë grante deri në 5,000 euro, konsulencë pa pagesë dhe trajnime në biznes, të cilat janë të nevojshme për bizneset startup.
ICK deri më sot ka përkrahur mbi 120 startupe, prej të cilave një numër i madh sot janë kompani të suksesshme dhe punësojnë mbi 500 të rinj.
Plotësimi i formularit online është faza e parë e procesit për t’u bërë pjesë e inkubatorit në ICK.
Pas datës 31 Maj (afati i fundit për aplikim), komisioni i pavarur vlerësues i ICK-së do t’i shqyrtojë të gjitha aplikimet për të parë se cilat aplikacione i plotësojnë kriteret për të kaluar në fazën e dytë të procesit.
Për më shumë informacione në lidhje me këtë, si dhe për të aplikuar online, kliko KËTU.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
