Ky projekt synon që nëpërmjet leksioneve dhe trajnimeve interaktive, të nxisë frymën sipërmarrëse dhe inovacionin në Shqipëri.
Gjatë projektit të zhvilluar vitin e kaluar, u bë trajnimi i 20 trajnerëve të përzgjedhur nga institucione qëndrore dhe lokale shqiptare me metodën “CEFE”, një metodologji trajnimi e përdorur në më shumë se 70 vende të botës, e cila bazohet në ndërveprimin intensiv të pjesëmarrëseve dhe mundëson forcimin e njohurive teorike dhe praktike në planifikimin dhe fillimin e një biznesi.
Gjithashtu, u zhvilluan trajnime në 4 qarqet kryesore të vendit (Tiranë, Shkodër, Gjirokastër, Korçë), ku morën pjesë rreth 100 biznese start-up, mbi mënyrën si të hartojnë dhe realizojnë një plan biznesi. Në fazën finale të projektit, finalistët prezantuan planet e tyre të biznesit para një jurie të përbërë nga përfaqësues të AIDA-s, Yunus Bussines Albania, Deloitte Albania dhe GIZ, të cilët shpallën edhe 5 fituesit e ideve më të mira.
Për më shumë, ndiqni videon në linkun e mëposhtëm:
Burimi: AIDA
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
