Inis Neziri, prek suksesin ndërkombëtar në muzikë vetëm 17 vjeç
Përditësuar së fundmi: 12/09/2018

Inis Neziri, prek suksesin ndërkombëtar në muzikë vetëm 17 vjeç

Share
nga Albana Mucaj
Sht 12, 2018

Prindërit e saj janë shumë të lumtur për çmimin e madh që Inisi mori në Festivalin Ndërkombëtar në Rumani. Pasioni dhe puna në muzikë po jep shpërblime të suksesshme për adoleshenten Inis Neziri. Vetëm 17 vjeç ajo fiton çmim e parë të Festivalit Ndërkombëtar “Dreri i Artë”.

Karriera e saj në muzikë po rritet përkrah moshës së saj. Inisi për herë të parë mori pjesë në spektaklin “Gjeniu i vogël 5”. Në spektaklin ku hodhi hapat e parë drejt skenës, Inisi fitoi çmimin e parë.

Pas triumfit të Gjeniut të vogël 5, ajo këndoi si e ftuar në Festivalin e 54 të Këngës në RTSH, në TvKLAN  gjatë speklakleve të ndryshme të këtij televizioni.

Vitin e kaluar, Inisi performoi në Festivalin e 56-të të këngës me “Piedestal”, ku fitoi vendin e 3-të.  Kjo këngë i solli suksesin në Rumani.

“Ftesa që ui afrua Inisit nga produksioni i Cerbul De Aur ishte një gëzim dhe emocion”, thotë Yla, mamaja e saj. “Nuk e njihnim këtë festival më parë. Tepër madhështor, me një staf gati-gati familjar, me një përgjegjësi të habitshme për artistët e tyre dhe një respekt të jashtëzakonshëm. Duke falenderuar stafin drejtues ajo vlerëson faktin që Inisi mori pjesë në atë festival prestigjioz dhe u njoh me njerëz të mrekullueshëm.

Inisi jeton në Tiranë dhe këtë vit do vazhdojë klasën e 11-të në kolegjin “The Indipendent”. Në objektivat dhe dëshirat e saj, është pjesmarrja tek Kënga Magjike, spektakël që Inisi e ka shumë për zemër.

 


Evente