Inflacioni në eurozonë arriti rekordin 8.1%, si pasojë e rritjes së çmimeve të energjisë, shkaktuar kryesisht nga lufta e Rusisë në Ukrainë.
Të dhënat e fundit të publikuara nga “Eurostat” treguan se inflacioni vjetor në maj ka kaluar rekordin e mëparshëm prej 7.4 për qind, shënuar dy muajt e mëparshëm.
Çmimet e energjisë u rritën mbi 39%. Lufta dhe kriza globale e energjisë po e bëjnë më të shtrenjtë jetesën për 343 milionë banorët e eurozonës.
Inflacioni në eurozonë është tani në nivelin më të lartë që nga fillimi i mbajtjes së regjistrave për euron në vitin 1997.
Lexo: Banka Botërore: Ruani nivelin e inflacionit dhe borxhit publik
Çmimet e ushqimeve gjithashtu u rritën me 7.5%, ndërsa çmimet e mallrave u rritën me 4.2% dhe kostoja e shërbimeve u rrit me 3.5%./rel
Shqipëria ka një inflacion të importuar prej rreth 57% sipas llogaritjeve të revistës Monitor. Rritja e kësaj peshe të inflacionit pritet të ndikojë më tej në tregun shqiptar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
