Në ambientet e shkollës Teknike Elektrike Gjergji Canco, u zhvillua dita e hapur, në të cilën u bë inagurimi i laboratorit modern “Smart Home” si dhe çertifikimi i mësuesve që dhanë kontributin e tyre në këtë projekt. Drejtoresha e shkollës, Hedie Gjoni tha se ndihet krenare që shkolla ka një laborator të tillë. Ajo falenderoi të gjithë personat që dhanë kontribut për realizimin e këtij projekti. “Ndihem krenare për këtë arritje dhe për punën e pa lodhur të stafit tim, të cilit i jam tej mase mirënjohëse”.
Martin Dietschi, drejtor i Swisscontact për Shqipërinë vlerësoi mundësinë e kontributit në teknologjinë shqiptare, e sidomos në krijimin e këtij laboratori. Ai theksoi se do të vazhdojë mbështetja në këtë drejtim.
Lexo: Drejt rikonstruksionit 3 shkolla të mesme profesionale në vend
Në ambientet e laboratorit “Smart Home”, dy profesorët e Inteligjencës Artificiale shpjeguan me detaje gjithçka rreth laboratorit. Z. Rene Vander Gaag, përfaqësues i DigitalSTORM si dhe Lulëzim Veliu dhe Milaim Deliu, të cilët janë përfaqësues të Smart Albania theksuan avantazhet e smarthome. Sipas tyre, me krijimin e këtij laboratori, shkolla Gjergji Canco është një hap para të gjitha shkollave të rajonit, vlerë e shtuar kjo për vendin dhe të gjithë nxënësit që studiojnë aty.
Një tjetër pikë kyçe e eventit ishte edhe çertifikimi i mësuesve të trajnuar në modulin “Smart Home” e më tej të gjithë të ftuarit u njohën me ambientet laboratorike të shkollës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English