HRHub Albania organizon aktivitetin e saj të parë në Shqipëri


HRHub Albania, një nismë e re e duapune.com dhe DM Consulting Services e lindur si nevojë për të adresuar sfidat me të cilat përballet tregu i Burimeve Njerëzore në Shqipëri por edhe më gjerë, organizoi më 5 nëntor 2019, aktivitetin e parë “InnoRecruit  – Diskutojmë së bashku inovacionin në rekrutim”.

Në këtë aktivitet, HRHub Albania mblodhi së bashku drejtues të Burimeve Njerëzore, ekspertë, drejtues të kompanive dhe profesionistë të fushës, për të diskutuar mbi inovacionin në rekrutim, për të adresuar problematikat dhe për të bashkëpunuar në lidhje me zgjidhjen e çështjeve të ndryshme.

Fjalët hapëse të Z. Romeo Sherko – Zv.Kryetar Bordi, Shoqata e TIK në Shqipëri(AITA); Z. Arben Memo – Kryetar Bordi, ACN (Rrjeti i Konsulentëve Shqiptarë); Znj. Ines Muçostepa – Kryetare e Bashkimit të Dhomave të Tregtisë, sollën në qendër të vëmendjes sfidat me të cilat po përballet biznesi, mungesa e kapitalit të kualifikuar njerëzor për shkak të emigracionit të profesionistëve të mirë, paqëndrueshmëria e tregut të punës, mungesa e komunikimit efektiv me universitetet, cilësia e dobët e internship-ve etj.

Lexo: duapune.com sjell serinë e trajnimeve të burimeve njerëzore të aplikuara

Shalsi u shpreh për rëndësinë e përgatitjes së kapitalit njerëzor në shkollë dhe të bashkëpunimit më efikas ndërmjet shkollës dhe biznesit. Ai gjithashtu shprehu sërish gatishmërinë për të ndihmuar dhe diskutuar çdo problematikë të biznesit që lidhet me këtë temë.

Më pas Z. Dritan Mezini, Administrator i DM Consulting Services/themelues i duapune.com, mbajti prezantimin “Inovacioni në rekrutim”, në të cilin foli mbi tendencat e reja të tregut global të punës, dixhitalizimi, aftësitë e reja, ndryshimi i profilit të profesionistit, rritja e nivelit të njësive të BNJ nëpër kompani dhe organizata.

Ky prezantim i hapi rrugën diskutimeve të paneleve, me të ftuar përfaqësues të industrive kryesore në Shqipëri si: Telekomunikacioni, TIK, Media, Ndërtimi, HOREKA etj., të cilët ndanë me pjesëmarrësit eksperienca, procese inovative, shembuj suksesi dhe risi përsa i përket 3 tematikave kryesore, për të cilat mund të lexoni më shumë në HRHub Albania.

DuaPune.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale