Hilton Garden Inn, Hoteli më i ri në Tiranë, flet shqip në shtator


Është folur prej vitit të kaluar për të. Por, në shtator do të mirëpresë miqtë-klientë.

Flasim për markën ndërkombëtare në fushën e hotelerisë Hilton. Në Bulevardin Gjergj Fishta, përgjatë unazës, në pallatin Albas, shfaqet hyrja tipike e Hilton, ndërsa brenda gjithçka ka përfunduar dhe po u jepet “dorë” detajeve të fundit.

Hilton vjen në Shqipëri me “Hilton Garden Inn” një hotel që i drejtohet një klientele me të ardhura mesatare.

Menaxheri i Përgjithshëm i Hilton, z. Michael Walker, thotë ndërsa na njeh me ambientet e hotelit, se, “Jemi të lumtur të sjellim mikpritjen e Hilton Garden Inn në Tiranë. Frekuentuesit e hoteleve Hilton Garden Inn në mbarë botën gëzojnë akomodim të rehatshëm dhe të përballueshëm, pajisje moderne dhe “Hilton Garden Inn Promise”, i cila afirmon qëllimin e markës për t’i siguruar çdo mysafiri një eksperiencë “better and brighter”.

Përkujdesja e sjellja miqësore me klientët, na thuhet se është ajo çfarë personifikon Hilton.

Klima miqësore e një hoteli ndërkombëtar dhe një lidhje shumë e natyrshme me Shqipërinë, vjen jo vetëm përmes shërbimit, por edhe përmes investitorit shqiptar.

Në Hilton Garden Inn, do t’ju bëjnë përshtypje në holl, në bar, në dhomat e gjumit, punimet artistike e fotografitë me motive dhe vende të Shqipërisë. Në këtë mënyrë sipas, z. Walker, Hilton njeh klientët e huaj me kulturën dhe turizmin shqiptar. Por krahas kësaj, a e dinit që Menaxheri i Përgjithshëm i Hilton, pra Waker është martuar me një vajzë shqiptare?!…

Me dhoma të rehatshme, një sërë mundësish për ngrënie dhe hapësira të konsiderueshme për takime apo aktivitete, Hilton Garden Inn Tirana është vendi ideal si për udhëtarët e biznesit, ashtu dhe për ata që duan të kalojnë kohë të lirë.

Në aspektin e inovacionit, mysafirët të cilët janë anëtarë të Hilton Honors (programi Hilton i vlerësuar me çmime fitimprurëse për klientët) mund të përfitojnë benefite të ndryshme, përfshirë edhe mjete dixhitale të njohura të disponueshme ekskluzivisht përmes aplikacionit celular Hilton Honors.

Mysafirët e parë do të priten, pas hapjes me 30 gusht. “Zyra e zhvillimit të biznesit e Hilton nënshkroi një marrëveshje menaxhimi me z. Ali Selmani për të hapur Hilton Garden Inn Tirana në 2014 – dhe ne jemi të ngazëllyer që po hapim hotelin e parë Hilton në Shqipëri. Hilton do të mirëpriste mundësinë për të eksploruar projekte të mëtejshme në Shqipëri, por nuk kemi ndonjë projekt konkret për të konfirmuar në këtë fazë”, tha z. Walker.

Me një largësi 20 minuta nga aeroporti i Tiranës dhe 5 minuta nga qendra e Kryeqytetit, në Garden Grille & Bar® restaurant mund të shijohet kushina vendase dhe ajo ndërkombëtare. Avantazh është shërbimi në dhomë. Bari është i përkyer për një kokteil pas pune ndërsa dyqani me produkte vendase në holl është i hapur për një snack apo edhe blerje për udhëtim. Përmes qendrës së fitnesit dhe qendrës së biznesit të hapur në 24 orë, ju mund të jeni në formë dhe produktivë. Hoteli ka një sipërfaqe prej 9,600 metër katror salla takimesh dhe evente me një kapacitet deri në 500 vizitorë.

Lexoni: Gjiganti i hotelerisë Hilton vjen në Shqipëri

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale