Kryeministri Edi Rama dhe Ministrja e Infrastrukturës, Belinda Balluku shpallën ditën e sotme garën ndërkombëtare për projektin inxhinierik të Tunelit të Llogarasë.
Balluku deklaroi gjatë prezantimit se tuneli do jetë i gjatë 6 km dhe do përshkrohet për 7-10 minuta. Ky projekt do shkurtojë rrugën e përshkrimit nga aeroporti, i cili pritet të ndërtohet në Vlorë dhe deri në bregdetin shqiptar.
“Gara për tenderin pritet që të shpallet brenda këtij viti. Tuneli 6 km do të përshkohet për 7-10 minuta me shpejtësi 50-80 km/h. 37 minuta do të jetë koha e përshkimit të rrugës nga aeroporti (i Vlorës) në bregdetin shqiptar. Projekti do të ketë ndikim 550-650 milionë euro në ekonomi dhe punësimi 11600 persona”-tha ministrja e Infrastrukturës.
Gjatë prezantimit të hapjes së tenderit ndërkombëtar, ministrja Balluku njoftoi se:
“Ky do të jetë një tunel që pas ndërtimit do të kërkojë mbështetje financiare edhe nga përdoruesit duke aplikuar tarifë minimale. Kjo do të ndihmojë të paguajë sasinë e parave që do të vendosen për ndërtimin e tunelit.”
Lexoni: CEO i Google: Plani me 2 hapa për një jetë të suksesshme
Kryeministri Edi Rama tha se “projekti nuk do të bëhet me PPP, por do ta realizojë vetë shteti. “Zona ka një rëndësi strategjike për ekonominë dhe imazhin e Shqipërisë në botë. Një zonë ku interesi është i gjithanshëm. Sot jemi gati të materializojmë këtë projekt, që do të krijojë një akses tjetër, drejt zonës. Rruga më e mirë është që ky projekt të çohet deri në fund nga vetë qeveria dhe të financohet nga buxheti i shtetit.
E rëndësishme është që të kemi në dorë një projekt serioz, se për të ndërtuar ka edhe kompani shqiptare. Aeroporti i Vlorës është qendra e gravitetit të këtij vizioni, tek zhvillimi i vijës bregdetare të Vlorës, që së shpejti fillon një segment të tretë që kapërcen atë pikën ndarëse mes qytetit dhe pjesës tjetër duke shkuar deri në Radhimë për të krijuar një vazhdimësi të lungomares”.
Kryemistria – Shpallja e garës ndërkombëtare për projektin inxhinierik të Tunelit të Llogarasë, një vepër strategjike për turizmin në rivierën e Jonit🌊☀️Me tunelin e Llogarasë, aksi Orikum – Palasë do të përshkohet në vetëm për 10 minuta😀
Publiée par Edi Rama sur Vendredi 19 juin 2020
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
