Guvernatori Sejko: Të mësojmë nga e kaluara për një të ardhme më të sigurt


Në Shkurt Guvernatori Gent Sejko mbajti një leksion në ambientet e Shkollës Ekonomike dhe Shkencave Politike të Londrës (LSE) me temë “Sfidat financiare në ekonomitë e vogla të hapura – perspektiva e bankës qendrore”.

Sipas Bankës së Shqipërisë, ky leksion u organizua në kuadër të bashkëpunimit që Banka e Shqipërisë ka ndër vite me Shkollën Ekonomike dhe Shkencave Politike të Londrës (LSE) dhe u ndoq nga ekspertë ndërkombëtarë në fushën e ekonomisë, akademikë të Universitetit, nga studentë të huaj dhe shqiptarë, që studiojnë pranë kësaj shkolle.

Lexo: Rritja e përdorimit të teknologjisë. Sejko: Bankat tregtare të monitorojnë risqet

Leksioni i prezantuar nga Guvernatori Sejko ishte i konceptuar në katër seksione: zhvillimet dhe trendet ekonomike në vendet e rajonit, dobësitë strukturore në sektorin financiar e bankar në Shqipëri, masat e ndërmarra dhe rezultatet e politikave të ndjekura për t’i adresuar këto dobësi, si dhe sfidat e të ardhmes në politikëbërjen e Bankës së Shqipërisë.

“Lidhur me panoramën ekonomike shqiptare, Guvernatori Sejko theksoi se ritmi i rritjes ekonomike ka vijuar të jetë pozitiv, i shoqëruar me rritje të punësimit dhe të pagave, si dhe me një tendencë të qartë të kthimit të ekonomisë në ekuilibrin e saj afatgjatë. Ai u shpreh se Banka e Shqipërisë ka dhënë një kontribut të vyer nëpërmjet politikës monetare lehtësuese në mbështetje të kësaj rritjeje ekonomike të qëndrueshme dhe të garantimit të stabilitetit makroekonomik të vendit.

Në vijim, Guvernatori prezantoi në mënyrë të detajuar masat e ndërmarra dhe rezultatet e politikave të ndjekura nga institucioni që ai përfaqëson, ku u shpreh se në fokus të punës së Bankës së Shqipërisë, krahas ruajtjes së stabilitetit të çmimeve, kanë qenë gjithashtu qëndrueshmëria e kursit të këmbimit, nxitja e kreditimit të shëndetshëm, nxitja e përdorimit të monedhës kombëtare në sektorin financiar, reduktimi i kredive me probleme, zhvillimi i sistemit të pagesave, edukimi financiar etj.

Guvernatori u shpreh se Banka e Shqipërisë së bashku me Shoqatën Shqiptare të Bankave, me synim nxitjen e kreditimit, si një burim i pazëvendësueshëm për rritjen ekonomike dhe ndërmjetësimin financiar, krijuan Platformën për Rigjallërimin e Kreditimit, e cila përbën një plan të përbashkët veprimesh që synon përmirësime rregullative dhe iniciativa konkrete.

Gjithashtu, Guvernatori e njohu auditorin me projektligjin “Për shërbimet e pagesave” dhe risitë që ligji do të sjellë në tregun bankar. Guvernatori Sejko theksoi se me miratimin e këtij projektligji do të krijohen kushtet e favorshme për promovimin e risive teknologjike, si dhe do të rritet konkurrenca në treg”.

Gjithashtu gjatë leksionit, Guvernatori i njohu studentët me mënyrën se si Banka e Shqipërisë është përballur me sfidat e tregut financiar në Shqipëri. Ai theksoi, se: “Banka e Shqipërisë ka punuar për përmirësimin e mëtejshëm të arkitekturës rregullatore të sistemit financiar dhe për forcimin e rrjetave të sigurisë financiare, që kanë kontribuar në konsolidimin e mëtejshëm të këtij sistemi”.

Në vijim, Guvernatori prezantoi mësimet e nxjerra përgjatë zbatimit të politikave të ndërmarra, rregullimit dhe mbikëqyrjes së tregut financiar, si dhe sfidat e reja të lidhura me inovacionin në këtë treg e me integrimin gjithnjë e më të madh të Shqipërisë në proçeset e globalizimit.

Gjatë leksionit të hapur Sejko tregoi, se: “Një nga dobësitë strukturore më të theksuara të sektorit bankar në Shqipëri dhe gjithashtu ndër sfidat më të rëndësishme të Bankës së Shqipërisë ka qenë ulja e nivelit të kredive me probleme. Ky nivel arriti vlerën maksimale në 25% të stokut të kredive 5 vite më parë. Falë planit të masave për reduktimin e nivelit të kredive me probleme, i ndjekur nga Banka e Shqipërisë në bashkëpunim me institucionet e tjera, u arrit që ky nivel të nisë e të ruajë një tendencë të qëndrueshme rënëse, për të arritur minimumin e tij historik prej 8.3% në muajin janar 2020”.

Guvernatori e mbylli leksionin duke theksuar, se: “Si politikëbërës duhet të mësojmë nga e kaluara, në mënyrë që e ardhmja të jetë më e sigurt”. Ky leksion u ndoq me interes nga të pranishmit dhe auditori u tregua tepër aktiv duke shfrytëzuar rastin për t’i drejtuar Guvernatorit pyetje mbi argumente të ndryshme që lidhen me bankën qendrore dhe ekonominë në përgjithësi.

Lexo: Banka e Shqipërisë dhe Shoqata e Bankave, në nxitje të kreditimit

“Ai zhvilloi takime me profesorë dhe studentë shqiptarë që punojnë dhe studiojnë pranë këtij universiteti, duke i njohur ata nga afër me politikat ambicioze të Bankës së Shqipërisë, për thithjen e burimeve njerëzore të kualifikuara në shkollat prestigjioze, siç është edhe LSE” – njoftoi Banka e Shqipërisë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale