Grigor Joti gjatë fjalimit në UET: “Koha e pedagogëve të mirë mbaroi, tani do të keni shefa të ‘shpifur’ si puna ime” - Business Magazine Albania

Grigor Joti gjatë fjalimit në UET: “Koha e pedagogëve të mirë mbaroi, tani do të keni shefa të ‘shpifur’ si puna ime”

~5 minuta lexim


Në ceremioninë e diplomimit të brezit të 10-të të studentëve, Guvernatori i BSH, Gent Sejko dhe Presidenti i INFOSOFT, Grigor Joti mbajtën “commencement speech” duke frymëzuar studentët për t’iu përkushtuar punës

Në një ceremoni me praninë e familjarëve, miqve, kolegëve dhe të ftuarve të veçantë studentët e sapodiplomuar të Universitetit Europian të Tiranës, hodhën kapelat në ajër, në simbol të një “fitoreje” dhe fillimi të ri. Ky përvjetor i 10-të i diplomimit kurorëzoi mundin e 685 studentëve, në të treja ciklet e studimit.

Një eveniment i rëndësishëm që shënjon një nga çastet më të lumtura për të gjithë ata, të cilët ndër vite, i kanë kushtuar përpjekjet dhe vullnetin e tyre dijes, për t’u shpërblyer në fund me diplomën aq shumë të dëshiruar.

E kthyer tashmë në traditë, Ceremonia e Diplomimit në Universitetin Europian të Tiranës, kishte dy të ftuar të veçantë, të cilët mbajtën për studentët ‘commencement speech”. Këto fjalime, ashtu si në universitetet e mirënjohura ndërkombëtare, shërbejnë për të motivuar dhe frymëzuar studentët e sapodiplomuar në rrugëtimin e ri që i pret.

Guvernatori i Bankës së Shqipërisë, Gent Sejko dhe themeluesi dhe Presidenti i kompanisë së parë informatike në Shqipëri, INFOSOFT, Grigor Joti ndanë me studentët jo vetëm historinë e tyre të suksesit, por edhe këshillat dhe botëkuptimin e tyre në lidhje me të ardhmen që i pret të sapodiplomuarit.

Lexoni: 5 Fjalime diplomimi që do t’iu frymëzojnë

Grigor Joti u shpreh në mënyrë të sinqertë në lidhje me sfidat dhe realitetin e tregut të punë, që i pret studentët e sapodiplomuar.

“Që të jem i sinqertë me ju, unë kam qenë pedagog matematike dhe kam ngelur studentë në klasë, e kam bërë dhe këtë. Kështu jemi ne të matematikës, edhe në biznes nuk jemi shumë tolerantë. Ju duhet të bëni hesapet mirë që kur të filloni punën, nuk do keni më këta pedagogët e mirë dhe tolerantë, por do keni disa shefa të “shpifur” si puna ime që do ju kërkojnë llogari e do ua nxijnë jetën.”

Në një fjalim të shpenguar dhe të çliruar nga klishetë ai u ka dhënë disa studentëve edhe disa këshilla.

“E vërteta është se ju keni shumë të drejtë të jeni të kënaqur e të lumtur sot, sapo kompletuat një detyrë shumë të rëndësishme të jetës suaj, në gjuhën e biznesit keni bërë investimin kapital kryesor. Tani do merrni rezultatet e këtij investimi. Dikush që do dojë një jetë të qetë e modeste, që me diplomën e UET mund të zërë një punë të mirë me një rrogë të mirë të krijojë një familje, por gjithsesi do t’i duhet të numërojë ditët derisa të marrë rrogën tjetër. Nëse e doni suksesin atëherë emri i lojës është punë, punë, punë. Edhe këtu në letër fjalën punë e kam shënuar me gërma kapitale. E di që nuk po ju them ndonjë gjë të re. Por kjo është, ju siguroj se nuk ka një rrugë tjetër. Duhet edhe fat, por ju siguroj që fati shkon tek ai që punon.”

/Mapo

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse nuk dështon ndonjëherë, atëherë nuk je inovativ mjaftueshëm.”
— Elon Musk
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0