Google Chrome së shpejti do të vijë me një ide që pritet të ndryshojë botën e internetit - Business Magazine Albania

Google Chrome së shpejti do të vijë me një ide që pritet të ndryshojë botën e internetit


Ekipi pas Google Chrome, shfletuesi më i popullarizuar në botë, po konsideron një ide që do të ndryshonte mënyrën se si ne të gjithë e përdorim internetin, sipas një raporti të ri nga Wired.

Sa herë që hapni shfletuesin tuaj të internetit për të vizituar një faqe interneti sot, ose kërkoni emrin e faqes në një motorr kërkimi si Google, ose ju shkruani një adresë të veçantë, ose URL, në shfletues.

Lexoni: Versioni më i fundit i Chrome mundëson shkarkimin e faqeve për lexim offline

Mund të jetë e thjeshtë që të kërkoni nëse kujtoni disa URL, apo dhe duke shtuar një “.com” në shumicën e emrave të biznesit, por kjo nuk është gjëja më ideale. Disa faqe tani kanë domain-e të ndryshme si “.biz” ose “.info” dhe duke qenë se shumica e njerëzve përdorin smartphone-ët ndërsa kërkojnë, zakonisht nuk mund të shohin URL-në e plotë dhe në këtë mënyrë është mjaft e thjeshtë për kriminelët kibernetikë të mashtrojnë njerëzit të mendojnë se ata ndodhen në një faqe interneti të besuar.

Për këto arsye dhe të tjera, ekipi i Google Chrome mendon se është koha për të dalë me një zgjidhje më të mirë.

“URL-të janë të vështirë për t’u lexuar dhe është e vështirë të dihet se cila pjesë e tyre duhet të besohet dhe në përgjithësi nuk mendoj se ato po funksionojnë si një mënyrë e mirë për të përcjellë identitetin e faqes,” u shpreh Adrienne Porter Felt inxhiniere pranë Google Chrome.

“Pra, ne duam të lëvizim drejt një mënyre ku identiteti është i kuptueshëm nga të gjithë – ata e dinë se me kë po flasin kur përdorin një faqe interneti dhe mund të arsyetojnë nëse mund t’i besojnë apo jo. Ne duam të sfidojmë se si duhet të shfaqet URL-ja dhe po gjejmë mënyrën e duhur për të përcjellë identitetin.”

Lexoni: CEO i Google shprehet se “inteligjenca artificiale është si zjarri”

Ekipi i Google Chrome ende nuk ka bërë publike një zgjidhje për URL-të, pasi akoma janë duke punuar për zgjidhjen ideale. Sipas Wired do të jetë më i sigurtë se konfigurimi aktual dhe më i përshtatshëm për njerëzit që t’i mbajnë mend.

Adrienne Porter Felt tha se ekipi i saj “do të jetë më i gatshëm të flasë publikisht për idetë e veta këtë vjeshtë ose në pranverë.”

burimi: BI

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0