Ai e krahasoi atë me zjarrin. I nevojshëm, por i rrezikshëm.
Pa e tepruar mund të themi se viti 2017 ishte viti i inteligjencës artificiale. Në vitin 2017, në muajin mars saktësisht, lindi, Bixby, asistenti virtual nga Samsung. Nga ana tjetër, sistemet më të vjetra si Alexa dhe Google Assistant më në fund morën rrugën e masivizimit. Pa dyshim, pritet që inteligjenca artificiale të pësoje rritje akoma edhe më të madhe në vitet që po vijnë. Sipas disa përllogaritjeve, ajo pritet të kapë vlerën e 23.5 miliard dollarëve deri në vitin 2025.
…por ndërsa gjithnjë e më shumë kompani janë të varura nga kjo teknologji, fillojnë hapen edhe tema të tilla si prakticiteti dhe etika.
Sundar Pichai, është CEO i Google që prej gushtit 2015. Ai iu bashkua skuadrës së Google në vitin 2004 skuadrat e menaxhimit të produktit dhe inovacionit të Chrome, Chrome OS dhe Google Drive. Gjithashtu ai ka qenë vëzhgues i zhvillimit të aplikacioneve si Gmail dhe Google Maps. Që prej marsit 2013 ai gjithashtu ka futur Android në listën e detyrave të tij.
Lexoni: Roboti i sigurisë nuk pritet mirë nga rezidentet e San Franciscos
Eksperienca e tij, e bën atë të aftë të dijë se Intelegjenca Artificiale, nuk është aq e bukur sa duket nga jashtë. Ajo duhet të përdoret me shumë kujdes, sipas tij. I intervistuar së fundmi nga MSNBC, ai ka theksuar se, “inteligjenca artificiale është një nga gjërat më të rëndësishme mbi të cilën njerëzit po punojnë sot. Ajo është po aq e thellë sa elektriciteti ose zjarri. Zjarri është i mirë, por gjithashtu vret njerëz. Ne e shfrytëzojmë zjarrin për të mirën e njerëzimit. Por, gjithashtu duhet edhe të kemi kujdes nga gjërat negative që vijnë me të.”
Pichai u shpreh se pa dyshim inteligjenca artificiale do të luajë një rol të rëndësishëm në zhvillimin e njerëzimit. Si psh., për të gjetur një kurë ndaj kancerit. Ai mendon se është e drejtë që të jemi të frikësuar ndaj inteligjencës artificiale pasi është diçka e re për të gjithë ne dhe adaptimi me të do të marrë padyshim pak kohë.
Burimi: Android Authority
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
