Gjysma e konsumatorëve përdorin të paktën dy shërbime abonimi video sipas kërkesës (SVOD)

Abonimi video sipas kërkesës (SVOD) vazhdon të tërheqë audienca të reja ndërsa konsumatorët përfitojnë nga shërbimet e shumta në dispozicion, sipas të dhënave nga analistët e tregut Ampere.  Përqindja e familjeve në Shtetet e Bashkuara dhe Evropën Perëndimore që përdorin të paktën dy shërbime SVOD është rritur nga një e treta (34.8%) në tremujorin e tretë të vitit 2018 në pothuajse gjysmën (47.3%) vetëm dy vite më vonë.

Ampere gjithashtu sugjeron që ‘kompleksi’ do të jetë një trend kryesor i TV këtë vit – me një theks në angazhimin më të thellë të abonuesve dhe bashkimin e disa shërbimeve në paketa të vetme. Grumbullimi i përmbajtjes është provuar tashmë, me BritBox që kombinon përmbajtjen e BBC, ITV, Channel 4 dhe Channel 5. Rezultatet deri më tani kanë qenë inkurajuese.

Sidoqoftë, tregu mund të ketë arritur një farë niveli ngopje vitin e kaluar. Një e katërta e familjeve thanë se nuk ishin abonuar në ndonjë shërbim SVOD në tremujorin e tretë të vitit 2020, hera e parë që kjo përqindje nuk ka pësuar rënie nga tremujori paraardhës.  Kjo do të thotë që shërbimet mund ta kenë të vështirë të tërheqin audienca që nuk shikojnë aktualisht ndonjë përmbajtje video me anë të shërbimit të abonimit. Në vend të kësaj, ata do të duhet të konkurrojnë me shërbime të tjera nga i  njëjti grup i përdoruesve të SVOD të cilët tani janë të vetëdijshëm për kostot.

Shërbimi Abonimi video sipas kërkesës por që shfaq reklama dhe i cili është më i lirë, (AVOD), mund të ofrojë një qasje të vlefshme për tërheqjen e audiencave të reja. Peacock i NBC ofron Shërbimi Abonimi video sipas kërkesës por që shfaq reklama dhe shërbimin që nuk shfaq reklama dhe ishte shërbimi i ri më popullor në SH.B.A. gjatë tremujorit të tretë të vitit 2020. Njohja e përvojave të ndryshme të ‘shikimit papushim” do të jetë gjithashtu jetike për fitimin e përdoruesve të rinj.

Ky ndryshim në zakonet e të shikuarit  paraqet sfida të reja për markat dhe transmetuesit tradicionalë të TV, pasi minon më tej forcën e reklamave lineare në TV. Markat duhet të kuptojnë gjendje të ndryshme shikimi përtej lineare, AVOD dhe SVOD për të patur sukses, ndërsa një qasje e integrimit të markës për shërbimet SVOD pa reklama mund të jetë e dobishme.

WARC

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale