Në vazhdim të sukseseve të jashtëzakonshme që ka korrur përgjatë tri viteve të operimit, kompania Gjirafa Inc – që për produkt kryesor ka makinën e parë të avancuar të kërkimit në gjuhën shqipe, gjirafa.com – tashmë ka hapur zyrat e saj edhe në Tiranë.
Ky zgjerim i parashikuar është rezultat i zgjerimit të gamës së shërbimeve në tregun shqiptar – të cilat Gjirafa i ka krijuar e para në gjuhën shqipe, në fushën e teknologjisë së informacionit (Internetit) – si dhe performancës së shkëlqyeshme nga ana e stafit të saj.
Gjatë vitit 2016, në Kosovë, nga vetëm 18 persona që ishin të punësuar, tani Gjirafa numëron 55 – numër ky i trefishuar përgjatë vetëm një viti. Kjo ndodh falë punës dhe risive të platformave unike në tregun shqiptar, të cilat tashmë kanë gjetur përdorim të gjerë: GjirafaVideo, Gjirafa AdNetwork, Gjirafa.biz dhe Gjirafa50.com.
Në Shqipëri si fillim do të ofrohen për shërbime: Gjirafa AdNetwork dhe Gjirafa.biz – platforma këto të avancuara të marketingut dixhital, të krijuara nga stafi i Gjirafës me qëllim të përshtatjes me trendët botërorë (duke bërë që edhe web-i shqiptar të jetë në hap po me këto trende).
Gjirafa.biz është një prej risive në treg, pasi shërben si pikëtakim mes konsumatorëve dhe bizneseve. Aty konsumatorët mund t’i gjejnë bizneset për shërbimet e të cilave kanë nevojë; orarin e tyre të punës, numrat e kontaktit e deri tek orientimi – përfshirë edhe pamjen 360 shkallë.
Në Kosovë, vetëm në Gjirafa.biz, janë të regjistruara mbi 90% e bizneseve. Një numër i konsiderueshëm i bizneseve tashmë përdorin pakon me pagesë PREMIUM, në mënyrë që të shfaqen sa më shumë në kërkimet e bëra nga konsumatorët.
Në Shqipëri veçse ka filluar regjistrimi dhe mbledhja e të dhënave nga 22 persona të punësuar nga Gjirafa. Ndaj, pritet që për përdoruesit platforma të jetë e gatshme në muajin Qershor të këtij viti.
Platforma tjetër që ofrohet për shërbim është Gjirafa AdNetwork, e njohur ndryshe si platforma e vetme e avancuar e marketingut dixhital në web-in shqiptar. Fal përdorimit të kësaj platforme, vetëm gjatë vitit 2016 janë mbështetur – për t’u shfaqur – më shumë se 400 milionë reklama në web-in në gjuhën shqipe. Ndërsa, kjo platformë është përdorur nga më shumë se 500 klientë.
Me anë të përdorimit të AdNetwork, bizneset mund ta rrisin prezencën e tyre online – duke reklamuar dhe duke përfituar nga përparësitë e përdorimit të kësaj platorme, siç është targetimi i fuqishëm i shfletuesve online në bazë të preferancave të tyre (kjo platformë përshin të gjithë shfletuesit online në Kosovë, në Shqipëri dhe në diasporë).
Hapja e zyrës në Tiranë është një hap i vogël drejt sukseseve të mëdha që Gjirafa planifikon t’i arrijë në të ardhmen – nëpërmjet shërbimeve të saja unike dhe zgjerimit të mëtejshëm.
Burimi: telegrafi.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
