Facebook, Microsoft, Twitter dhe Youtube kanë bashkuar forcat për të krijuar një grup pune global të dedikuar për heqjen e përmbajtjeve terroriste dhe ekstremiste nga platformat e tyre online. Dhe kjo nuk është hera e parë që “teknologjia” bashkëpunon për nisma sociale me ndikim global.
Lexoni: Apple, Uber, Netflix, Twitter bashkohen kundër politikës së emigracionit të Trump
Gjigandët e teknologjisë kanë deklaruar krijimin e Forumit Global i Internetit për të Luftuar Terrorizmin, i cili do të diskutojë praktika për zgjidhjen e këtij problemi.
Qeveria e Britanisë së Madhe ka qenë kritike ndaj Google dhe kompanive të tjera teknologjike në muajt e fundit dhe ka mbajtur një sërë takimesh me drejtuesit e tyre për t’i nxitur ata të bëjnë më shumë rreth ekstremizmit të përhapur në internet.
“Një luftë virtuale” që krahas sulmeve kibernetike sjell dhe sulmet terroriste online.
Lexoni: Sulmi më i madh ndaj internetit nuk ka përfunduar
Krijimi i Forumit Global të Internetit për të Luftuar Terrorizmin, do të rrisë bashkëpunimin midis bizneseve, qeverive dhe palëve të interesuara.
Fillimisht 4 kompanitë e mëdha, do të merren me zbulimin dhe klasifikimin e përmbajtjeve të reja dhe gjithashtu ato do të shkëmbejnë informacionet e grumbulluara me qeveritë dhe organizata të tjera.
/WARC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
