Gazsjellësi TAP ngjitet 2100 mbi nivelin e detit në Qafën e Martës

Gazsjellësi TAP ngjitet 2100 mbi nivelin e detit në Qafën e Martës


Ndërtimi i Gazsjellësit TAP, ka arritur në një nga pikat e tij më komplekse për nga ana teknike. Punimet për hapjen e gjurmës po zhvillohen në Qafën e Martës (që lidh krahinën e Skraparit me atë të Korçës) në lartësi mbi 2,100 metër mbi nivelin e detit.

Sipas burimeve zyrtare të TAP, kjo është pika më e lartë e të gjithë gazjellësit, nga kufiri turko-grek e deri në Itali.

Ju mund të lexoni edhe: Shoqëri e përbashkët për mirëmbajtjen e TAP dhe shtrirjen e rrjetit gazsjellës në Shqipëri

Muajt e fundit, punimet kanë shënuar momente të rëndësishme për ndërtimin e gazsjellësit.

Në maj, Kontraktori i TAP, Spiecapag dhe nënkontraktori Bessac, arritën ta përmbyllnin fazën e ndërtimit të mikro-tunelit brenda afateve të parashikuara pa incidente. Mikro-tuneli u ndërtua duke përdorur teknologjinë më të fundit që garanton sigurinë teknike në punë dhe ndikim minimal mbi mjedisin. Përfundimi i të gjitha punimeve për mikro-tunelin pritet të ndodhë gjatë verës.

Mikro-tuneli i Çorovodës është i përbërë nga tuneli lindor me gjatësi 560 metra, tashmë i përfunduar, dhe tuneli perëndimor me gjatësi 600 metra. Gjatësia totale e mikro-tunelit do të jetë 1.5 km, ka diametër 1.8 metra dhe shmang kalimin përmes luginës së Osumit dhe kryqëzimin me një rrugë të sapo-ndërtuar.

Terreni i Skraparit është shumë sfidues për ndërtimin e gazsjellësit TAP për shkak të thyerjeve të shumta, lartësisë deri në 1’800 metra mbi nivelin e detit dhe vetë përbërjes gjeologjike.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #32 - Gusht 2023
Shiko më shumë
Na ndiqni në rrjetet sociale
0