Vjedhja e llogarive të Twitter duket se nuk do të mbarojë edhe për ca kohë.
Disa ditë nga hakimi një numri të llogarive të të famshmëve, duke përfshirë edhe ato të muzikantëve Katy Perry dhe Drake dhe të bashkëthemeluesit të Twitter gjithashtu Evans Williams, 33 milionë emra përdoruesish dhe fjalëkalime Twitter po shiten online.
Sipas LeakedSource, një siti që mbledh database të kredencialeve të vjedhura për një numër website-sh, 32,880,300 kredencialet e Twitter po shiten nga një person i identifikuar me alias Tessa88. Zdnet raportoi se çmimi që Tessa88 po kërkon për të gjithë bazën është 10 bitcoin, ose rreth 5,800 $ në kohën e kërkesës, raporton Mashable.
Çdo rekord konsiston në 1 ose 2 adresa emaili, emra përdoruesish dhe fjalëkalimesh, por ajo që është e çuditshme rreth kësaj rrjedhjeje është se fjalëkalimet nuk janë fare të enkriptuar. Ndërsa ky është një lajm i keq për përdoruesit, kredencialet e tyre janë të disponueshme online, kjo tregon se ato nuk janë siguruar duke hakuar Twitter ose një sit tjetër.
“Shpjegimi për këtë është se dhjetëra milionë njerëzit janë infektuar nga një virus i keq, dhe ky virus ka dërguar të gjithë emrat e përdoruesve dhe fjalëklimet e tyre nga browser si Chrome dhe Firefox tek hakerat nga të gjitha website-t duke përfshirë Twitter,” ka shkruar në një postim në blogun e vet Leakedsource të mërkurën.
Leakedsource lejon këdo të kërkojë nëpërmjet databazës së saj për kredencialet e vjedhura, por këshillohet kujdes, pasi çdo adresë emaili ose çdo informacion tjetër që kërkohet në fushën e kërkimit mund të “korret” për qëllime jo të mira, raporton Mashable. Gjithsesi, ju mund të kontrolloni listën e Leakedsource të fjalëkalimeve më të përdorura zakonisht nga databaza e Twitter, nëse fjalëkalimi yt i ngjan ndonjërës nga lista, duhet ta ndryshosh sa më shpejt që të jetë e mundur.
Oficeri i sigurisë së Twitter Michael Coates cicëroi të Enjten se kompania beson se sistemet e saj nuk janë hakuar. TechCrunch thotë se fjalëkalimet që posedon Leakedsource mund të jenë të vjetër dhe mund të kenë kohë në qarkullim në tregun e zi. Gjithsesi, duhet të siguroheni që t’i keni të sigurta llogaritë e Twitter si për shembull, aktivizimi me 2 hapa të aksesimit në llogari. Klikoni këtu për këshilla për t’u mbrojtur nga hakimi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
