Në konferencën dy ditore, e cila po mbahet në Tiranë me fokus Fondin Rajonal të sfidave, znj.Ines Muçostepa theksoi rëndësinë e zhvillimit të kapitalit njerëzor në Ballkanin Perëndimor dhe nevojën për investime të përbashkëta për të adresuar sfidat në fushën e punësimit dhe ekonomisë së gjelbër.
Ajo shpreh besimin në krijimin e një tregu të përbashkët rajonal dhe në rritjen e bashkëpunimit për trajnime dhe zhvillim të kapaciteteve njerëzore. Fjala e saj thekson urgjencën për të vepruar bashkë për të adresuar sfidat dhe për të krijuar mekanizma financiarë të fuqishëm për të mbështetur këtë qëllim.
Zhvillimi i kapitalit njerëzor ka qenë një nga sfidat kryesore në zhvillimin e Ballkanit Perëndimor. Vetëm duke investuar së bashku mund të kontribuojmë për të zhbërë hendekun në ekonomitë tona.
Katër vite më parë, së bashku me kolegët e mi, anëtarë të formimit të dhomave të investimeve, nënshkruam këtë projekt. 75 milionë euro për rritjen e kapacitetit njerëzor kanë shumë mirë për efektet ndër rajonale.
Sfidat për sigurimin e një shoqërie punëtore të kualifikuar janë të njëjta në të gjashtë ekonomitë dhe kjo ka ndikuar në fushën e zhvillimit të kapitalit njerëzor drejt ekonomisë së gjelbër.
Tashmë kemi mekanizma të rëndësishëm për të thelluar tregun rajonal si një hap drejt tregut të përbashkët të BE.
Ne të gjithë jemi të bindur se nuk mund të ndërtojmë një treg të përbashkët nëse kapitali njerëzor lihet mënjanë. Duhet të kemi një fokus në nxitjen e një mjedisi miqësor për biznesin, kjo do të nxisë normën e rritjes së vendeve të punës dhe produktivitetin.
Sot, duhet të punojmë bashkë për të marrë rëndësinë e duhur dhe për të ndërthurur trajnimet me kërkesat për zhvillimin e kapitalit njerëzor.
Kjo konferencë mund të adresojë sfidat tona të përbashkëta dhe ky mekanizëm financiar do të jetë edhe më i fortë në vijim.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
