Fluks turistësh në Shqipëri - Business Magazine Albania

Fluks turistësh në Shqipëri

2022 rikthen fuqishëm flukset hyrëse dhe dalëse të qytetarëve shqiptarë dhe të huaj në territorin shqiptar. Vetëm përgjatë muajit tetor janë në total 754.385 individë të cilët kanë shkelur tokën shqiptare ku 48.4% janë të huaj. Kjo shifër shënon një rritje prej 25,4 %, krahasuar me tetor 2021.

I njejti trend vërehet edhe përgjatë dhjetëmujorit 2022 ku vendet që kanë kontribuar më së shumti janë shtetasit spanjollë me një rritje prej 3,8 herë, ata angleze me 97,6 % dhe shtetasit zviceranë me rritjen më të ulët me 13,3 %, krahasuar me të njëjtën periudhë të vitit 2021.

Por edhe qytetarët shqiptarë duket se e kanë shfrytëzuar 10-mujorin e 2022 për të lëvizur jashtë vendit.

Sipas të dhënave të Drejtorisë së Pergjithshme të Policisë së Shtetit, përpunuar nga INSTAT, janë në total 4.783.911individë që kanë kaluar pikat doganore duke shënuar një rritje me 35,3 %, krahasuar me të njëjtën periudhë të një viti më parë.

Referuar rrugëve që qytetarët po zgjedhin për të mbërritur në Shqipëri janë aeroportet që kanë shënuar rritjen më të madhe me 75,2 %, krahasuar me të njëjtën periudhë të një viti më parë dhe me pas pikat detare me 47,5%

I njejti trend vërehet  edhe me shtetasit të cilët kanë lënë territorin shqiptar ku nga pikat ajrore ka një rritje me 77,0 %, dhe nga pikat detare rritja është me 57,5 %.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0