(Video) Fjalimi një minutësh i Paul Pogba që çoi Francën në fitoren e Kupës së Botës

Kur Franca përfundoi ndeshjen me Kroacinë dhe fitoi Kupën e Botës 2018, nxiti një festë të përmasave epike. Do të thosha një festë sikur shkenca nxori njoftimin se birra është e shëndetshme për zemrën.

Çdo rrugë brenda 1000 miljeve të Kullës Eiffel u mbush me një festim të zjarrtë dhe të zhurmshëm.

Lexoni: 5 mësime lidershipi nga kapitenët e Kupës së Botës

Por ajo që nuk dihej deri kohët e fundit ishte që ylli mesfushor Paul Pogba foli me shokët e tij francezë, duke mbajtur një fjalim të mbushur me emocione. BusinessMag ju sjell shkurtimisht më poshtë këtë fjalim frymëzues.

“Djema nuk dua të flas shumë.

Të gjithë e dimë se ku jemi.

Të gjithë e dimë atë që duam.

Ne e dimë se sa larg kemi arritur.

Ne e ndjejmë këtë në zemrat tona, e reflektojmë në sytë tanë.

Unë mund ta shoh atë djema.

Ne jemi të përqendruar.

Nuk mund të harrojmë.

Ne jemi 90 minuta larg krijimit të historisë.

90 minuta.

1 ndeshje.

Nuk e di se sa ndeshje kemi luajtur në karrierën tonë.

Por kjo është një ndeshje që ndryshon gjithçka – që ndryshon të gjithë historinë.

Ekzistojnë dy skuadra.

Është vetëm një trofe.

Për ta është e njëjta gjë.

Edhe ata e duan këtë.

Ne e dimë, kemi humbur një finale (Euro 16).

Ne e dimë këtë.

Ne e ndiejmë atë këtu (duke treguar në zemrën e tij).

Është ende në mendjet tona.

Sot, ne nuk do të lejojmë një ekip tjetër të marrë atë që është e jona.

Sonte, dua që ne të mbetemi në kujtesën e të gjithë francezëve që na shikojnë.

Fëmijët e tyre, nipërit e tyre, madje edhe stërnipërit e tyre.

Unë dua që ne të shkojmë në fushë si luftëtarë, si liderë.”

Ja pse fjalimi e Pogba ishte kaq efektiv

Si një folës profesional, mund t’ju them se Pogba gozhdoi shumë nga parimet e dhënies së një fjalimi nxitës.

Ai ishte i qartë, madje shumë lart me fjalimin e tij. Ai pastaj siguroi qëllimin (“Ne të gjithë e dimë atë që duam, e dimë se sa larg kemi arritur”). Ai theksoi misionin (“90 minuta, një ndeshje, Ne do të marrim atë që është e jona”).

Më e rëndësishmja, ai pasqyroi një pamje të qartë të situatës, se çfarë rrezikohej. Ai e personalizoi atë dhe i ndihmoi të gjithë ta përfytyrojnë.

Ndeshja nuk ishte për burrat në dhomë. Ishte për historinë. Për brezat, të kaluarën dhe të ardhmen. Pogba përmendi kujtimet e dhimbjes për të bashkuar më tej skuadrën dhe për të sqaruar se si rezultati duhet të ndryshojë këtë herë. Ai e identifikoi armikun, duke e bërë më shumë për atë që i përkiste Francës sesa vetë armikut.

Lexoni: Teknika e përdorur nga trajneri i Anglisë që çoi ekipin në Kupën e Botës, të cilën mund ta përdorësh edhe ti

Ai e mbylli duke qenë shumë specifik në atë që kërkohej – ky është lidershipi. Një mentalitet luftarak.

Ju mund të bëni të njëjtën gjë kur të përballeni me një situatë të ngjashme.

Dhe Pogba e bëri me një qetësi të pabesueshme. Ju nuk duhet të bërtisni si Al Pacino në “Any Given Sunday” për të frymëzuar. Ju mund ta elektrizoni skuadrën, duke sjellë energji përmes secilës fjalë të matur me kujdes.

Nëse ylli francez po përpiqej të bënte skuadrën të kuptonte madhështinë e atij momenti për t’u ngritur që ta përmbushnin atë, që të bënin historinë, atëherë çdo lojtar më një analizë të tillë mund të përfundojë vetëm një gjë.

Pogba sapo shënoi golin e tij!

/INC.