Fituesi i Rally Albania, Rentian Sina i apasionuar pas garave të çmendura me makina


Kur pasioni dhe dëshira ndërthuren së bashku edhe e pamundura bëhet e mundur. Këtë e vërteton më së miri Rentian Sina, djali nga Tirana i apasionuar pas garave të çmendura me makina. Prej 15 vitesh është pjesë e garave të zhvilluara nga Really Albania. Në këto 15 vite Rentiani ka korrur 13 fitore.

Për BusinessMag.al ai rrëfen se si lindi pasioni i pashterueshëm për këtë lloj sporti, që  mbart edhe rrezik. Fakti që familja e tij zotëron një biznes me makina të tonazhit të rëndë, e ka nxitur të eksplorojë më shumë, e të kuptojë rreth këtyre pajisjeve. Ai rrëfen se kur mori pjesë në garën e parë ishte më i vogli në moshë, por kjo nuk e pengoi të rrëmbente fitoren, e shoqëruar edhe nga 12 të tjera radhazi. Ka marrë pjesë në gara të tilla në Gjermani, Poloni, Maqedoni dhe Rumani dhe është vlerësuar më çmimin e parë. Rentiani tregon se pjesëmarrja në shtetet e tjera është më e lartë dhe  konkurenca është më e fortë, por relievi ku zhvillohet gara është më i butë se ai në Shqipëri.

“E kam kuptuar që në fillim që ky lloj sporti do përkushtim dhe mbi të gjitha ka një rezikshmëri të lartë, por unë jam ndikuar nga pasioni. Kemi arritur në atë pikë ku nuk ndikohemi më nga rreziku”, thotë ai.

Si lindi Really Albania?

“Fillimisht ishin fundjava me fuoristrada me shokët nëpër male, – thotë ai,- rreth viteve 2000”. Në 2005 së bashku me shokët krijuan Really Albania. Ai shprehet se filimisht nuk pati ndonjë impakt të madh, por me ardhjen e ndërkombëtarëve në vendin tonë, ky sport u fuqizua. “Terreni i Shqipërisë e fuqizon akoma më shumë këtë sport”,- shprehet Rentiani. Konkurrenca në Really Albania në tre vitet e fundit ka qenë në kulmin e saj. Prej disa vitesh ata janë mbështetur edhe nga Remax Lubrificant.

Really Albania

Tashmë prej 10 vitesh ata kanë krijuar edhe Shatzi Team, ku Rentini ka një rol kyc në të. Madje kohët e fundit ka menduar edhe largimin nga garat për të bërë rolin e instruktorit për më të rinjtë, të cilët kanë nevojë shumë për ndihmën e Rentianit.

Pavrësisht se ka 13 fitore akoma kërkon më shumë nga vetja.  Nga ky sport vlerësohesh me pasion dhe adrenalinë, nuk merr një vlerë monetare, aty gjithçka bëhet me pasion. Kur pyetet se cilën nga fitoret e cilëson si më të veçantën ai shprehet se nuk mund të cilësojë vetëm një si të veçantë. Për të fituar i është dashur shumë punë e përkushtim. Mbi të gjitha për të është me rëndësi faki që lodhja e tij, është shpërblyer me fitore. Udhëtimet nga veriu në jug nuk janë shpërblyer vetëm me fitore, por edhe e njohjen e bukurive të Shqipërisë.

“Gjatë gjithë rrugëtimit tim kam hasur shumë kundërshtarë. Fakti që kam dalë fitues i shtyn ata të mendojnë që dikush po më akoron mua çmimet e para pa e merituar, por e verteta qëndron krejt ndryshe. Unë punoj fort, përdor strategjitë e mia dhe i’a kam dalë të arrij lart edhe pse çdo ditë synoj sa më shumë nga vetja ime”, – e mbyll rrëfimin e tij Rentian Sina.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale