Gjatë gjithë kohës, kompanitë janë përpjekur të përmirësojnë efiçencën me qëllim rritjen e fitimit. Për shembull, Nissan, do të heqë 20% të prodhimit aktual nga Amerika. Ford ndërkohë planifikon ndryshime të mëdha për tregun europian dhe amerikano jugor.
Lexoni: Enzo Ferrari: “Klienti nuk ka gjithmonë të drejtë”
Sipas një studimi, prodhimi në masë dhe fitimi i lartë nuk shkojnë bashkë me njëra-tjetrën.
Një studim i fundit i kryer nga profesori gjerman Ferdinand Dudenhoffer nga Duisburg, thotë se Ferrari është kompania e cila arkëton më shumë të ardhura për njësi në 6 muajt e parë të vitit 2018.
Kompania italiane realizon një fitim operacional prej rreth €69,000, për çdo makinë që shet. Nga ana tjetër, Jaguar Land Rover, vetëm €800 për çdo makinë të shitur.
Gjermanët nga ana tjetër janë njohur gjithmonë si prodhues efiçentë dhe praktikë. Por, me sa duket janë pak të mbivlerësuar.
Porsche nga ana e saj, arkëton gati dyfishin që arkëtojnë kompanitë e tjera si Mercedes Benz, BMW, apo Audi. Kompania nga Stuttgart arkëton rreth €17,000 për çdo makinë të shitur. Ndërkohë, 3 markat e tjera rreth €9,000.
Ky studim gjithashtu thotë se Maserati arkëton rreth €5,000. Ndërkohë Volvo, diçka më pak se kaq.
Interesant është rasti i Bentley. Kompania humbet rreth €17,000 për çdo makinë të shitur. Sipas një zëdhënësi të kompanisë, kjo ndodh sepse kompania po investon shumë në R&B për makinat elektrike. Situata e ngjashme është edhe për Tesla, e cila humbet €11,000 për çdo makinë të shitur.
Ndërkohë kompani si Rolls Royce dhe Lamborghini, i kanë mbajtur të fshehta të dhënat e tyre financiare dhe nuk janë përfshirë në këtë studim.
Sipas një raporti të Bloomberg të vitit 2017, të dhënat për Porsche dhe për Ferrari kanë mbetur thuajse të pa ndryshuara.
Burimi: Motor 1
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
